E fundit!

16:40 Aktualitet

Investimi në Zvërnec/ Rama: Ja njeriu që investitorët kanë kontraktuar për arkitekturën e peizazhit

Kryeministri Edi Rama ka zbuluar arkitektin me famë botëro...

Vrasja e 20 vjeçares nga burri/ Komuniteti Shqiptarë në Greqi, apel mediave: Ndaloni shpifjet

18 Qershor 2021, 13:25, Aktualitet CNA

Komuniteti i Emigrantëve Shqiptarë në Greqi, ka shprehur tronditjen e thellë dhe neverinë e ngjallur nga krimi i rëndë, që tronditi mbarë opinionin publik në vend.

KESH ka reaguar pas lajmeve që qarkulluan se vrasësi I 20 vjeçares britanik ishte shqiptarë.

?Si të gjithë, ndjekim të shokuar zhvillimet e fundit në hetimet e vrasjes së nënës së re në Glika Nera, nga vetë bashkëshorti i saj. Shprehim ngushëllime të sinqerta dhe mbështetjen pa kushte ndaj familjes së viktimës 20-vjeçare, Caroline Crouch!

Njëkohësisht kërkojmë të përdoren menjëherë instrumentat e shtetit për të siguruar një reagim të gjerë dhe për të dërguar pa humbur kohë mesazhin e duhur në çdo drejtim:

Vrasësi i Caroline nuk ishte asfarë një kriminel tepër i rrezikshëm ?shqiptar? apo ?gjeorgjian?, etj.

Sërish media greke nuk e humbi shansin të kultivojë me vullnet të jashtëzakonshëm stereotipin e ?kriminelit të huaj, emigrant?, veprime këto që nxisin urrejtjen dhe racizmin në shoqërinë greke. Dënojmë thellë aktin e frikshëm të vrasësit 33-vjeçar, i cili për 37 ditë me radhë luante rolin e bashkëshortit të hidhëruar?, thuhet në reagim.

Komuniteti i Emigrantëve Shqiptarë në Greqi kërkojmë që media greke të kërkojë falje në publik për shpifje dhe manipulim të përsëritur, duke shfrytëzuar shqiptarët në Greqi, për propagandë të vazhdueshme dhe pa asnjë bazë apo informacion zyrtar.

?Kjo që ndodh prej shumë vitesh, tashmë ka ardhur koha që ky kapitull të mbyllet njëherë e përgjithmonë, duke dënuar ashpër çdo autor përgjegjës!

Le të mos kultivojmë urrejtjen në shoqërinë tonë që është dëmtuar mjaft, por ku mund dhe duhet të bashkëjetojmë të gjithë harmonikisht.

Le të jemi të bashkuar kundër çdo forme dhune, sulmi ndaj të pafajshmit dhe të dobtit dhe ndaj çdo akti kriminal, për një të nesërme më të begatë për të gjithë?, thuhet në reagim./CNA.al