web counter
LEXO PA REKLAMA!

SHKARKO APP

App Store
Google Play

“Stop Përputhjes dhe Historisë së Dashurisë së rreme”/ Caslli del me reagimin e fortë

17 Qershor 2021, 12:44, Aktualitet CNA

Aktivistja Elona Caslli është shfaqur hapur kundër formateve televizive si ?Përputhen? apo ?Love story?. Në një postim në rrjetet sociale ajo shprehet se të rinjtë bien viktimë e producentëve dhe shëndërrohet në një skaletë televizive.

Sipas saj programet shfaqen me pullë të kuqe në mes të ditës ku shihen nga fëmijë .

?Të rinjtë jemi ne. Jam kundër shfaqjes së formateve si ” Përputhen” apo ” Love story” në ekranet shqiptare. Kjo nuk është censurë, por është përgjegjësi kundrejt çdo të riu apo të reje që nga iluzioni i famës televizive, bie viktimë e producentëve dhe shndërrohet nga këta të fundit në një skelet televiziv.

Nëse përdoret alibia se këto emisione jepen edhe në Evropë, përgjigjem se Evropës duhet t’i marrim fillimisht pikat e mirëfillta të orientimit e mandej ato të çorientimit. Të mbarojmë me kategorinë e parë e shohim pastaj me të dytën. Të ushtrojmë presionin e duhur si qytetarë dhe të mos lejojmë riprodhimin e këtyre formateve në ekranet shqiptare.

Rinia nuk duhet të shkojë dëm. ” Përputhen” shfaqet me pullë të kuqe, në zemër të pasdites, ku fëmijë e të rritur janë të ulur përballë ekranit duke infektuar adoleshentët që janë në formim e sipër. Stop ” Përputhjes dhe Historisë së Dashurisë së rreme” Post Scriptum- Shpërndaje nëse bashkohesh?, ka shkruar ./ CNA.al





Lajmet e fundit nga