web counter
LEXO PA REKLAMA!

SHKARKO APP

App Store
Google Play

E fundit!

x

‘Nga samiti i Tiranës tek projektet rajonale’/ Bregu tregon ku do investohen 500 milionë euro

14 Qershor 2021, 16:15, Politikë CNA

Sekretarja e Përgjithshme e Këshillit të Bashkëpunimit Rajonal, Majlinda Bregu, në një intervistë për A2, ka komentuar samitin rajonal të mbajtur këtë të enjte në Tiranë.

Ajo ka treguar se BE do të dhurojë 500 milionë euro grante investime në infrastrukturë, energji, digjitale për Ballkanin Perëndimor.

Dhe se prej 1 korrikut dhe në vijim do të punohet për të ulur tarifat e Roaming në Europë, ndërkohë që do të punohet edhe për shtrirjen e ?korridorit jeshil? .

?E para, takimi i liderëve të 6 vendeve. E dyta sepse ky samit zhvillohet në prag të samitit të Berlinit, ku janë një sërë agjendash dhe detyrimesh për liderët e rajonit e kanë firmosur po vetë vjet në nëntor, të cilat duhet të fillojnë të bëhen realitet. E treta, është e rëndësishme për lajme të cilat edhe komisonieri i solli. Përpjekja më e madhe le të themi për përqendrimin e investimeve për projektet që janë të rëndësishme për rajonin. Këtu flas për grantet dhe jo për kreditë. 500 milionë euro grante do të jenë për projekte jo vetëm të infrastrukturës, por edhe të infrastrukturës digjitale. Sigurisht edhe përcjellja e lajmeve të tjera të mira dhe angazhimeve. Për shembull, më 1 korrik ne fillojmë ?roaming free? në rajon me tarifë zero.

Pas këtij momenti do të fillojnë menjëherë përpjekjet për të bërë të mundur të njëjtin regjim të reduktimit të tarifave, së pari me vendet e Bashkimit Europian, derisa të arrijmë pastaj në një nivel zero. Apo mbajtja dhe çuarja më tej e asaj që ishte një nga historitë e suksesshme të rajonit. Ne nuk u bllokuam gjatë pandemisë as për ushqime dhe as për ilaçe?, tha ajo.

E pyetur për tranzicion digjital dhe të gjelbër, Bregu sqaroi se është kalimi i fazës së ekonomive tona atje ku sot janë edhe vendet më të zhvilluara.

?Të gjitha vendet tona kanë nevojë për një sistem rajonal, nevoja për investime gjithashtu është e madhe. Ju thash pak më parë se me të vërtetë do të jenë 500 milionë euro grante për Shqipërinë, por vetëm ?Broadband?-i (sistemi rajonal) për Shqipërinë kushton 600 milionë. Mendoni se sa nevojë ka për të mbledhur fonde nga donatorët dhe njëkohësisht edhe kredi të buta nga bankat. Tranzicioni i gjelbër është një sfidë botërore. Të gjithë flasin sot për ndryshimin e klimës.

Ne kemi filluar që vjet të drejtojmë agjendën e gjelbër në rajon. Kjo do të thotë, më pak ndotje ajri, më pak ndryshim industrial që të mos i orientuar për nga ruajtja e ambientit e mjedisit, të cilat janë sot sfida botërore. Jo më kot, ne kemi një ditë shi, një ditë diell me shi, e të tjera me radhë, të cilat vijnë edhe nga ndotja atmosferike. Pra, t?i japim mundësi rajonit gradualisht, pasi nuk bëhet menjëherë, të ketë një ekonomi e cila të jetë e pastër, e gjelbër.?/CNA.al

 





Lajmet e fundit nga