web counter
LEXO PA REKLAMA!

SHKARKO APP

App Store
Google Play

E fundit!

x

Rizgjedhja e Bashës në krye të PD/ Ironizon Patozi: Në Shqipëri të gjithë fitojnë pastër

14 Qershor 2021, 14:37, Politikë CNA

Ish koordinatori i Bindjes Demokratike Astrit Patozsi ka komentuar  rizgjedhjen e Lulzim Bashës në krye të PD edhe për katër vitet e ardhshme.

Në një postim në rrjetin social Facebook, Patozi deklaroi me ironi se të gjithë fitojnë pastër në Shqipëri, ndrësa theksoi se puna është si të shtyhen ditët deri në zgjedhjet e tjera, secili sipas rangut, mjafton që të kesh dikë poshtë vetes.

?NË SHQIPËRI TË GJITHË FITOJNË PASTËR

Edi Rama fiton pastër me Lulin, megjithëse për dikë kjo quhet masakër zgjedhore ose inxhinjeri manipulimi.

Basha, po ashtu, i mund pastër rivalët e vet në PD, ndonëse kjo konsiderohet si maskaradë zgjedhore

Por edhe “të mundurit” e tij do të fitonin thellë me ndjekësit e tyre në FB, gjithmonë, nëse do të ishin vetëm ata që do të votonin.

Ndërkohë që secili prej këtyre të fundit ndjehet pa asnjë dyshim Zot, kur shkon në shtëpinë e vet, sepse e vë në rresht gruan bashkë me fëmijët, në shumicën e rasteve pa asnjë kontestim rezultati.

Rëndësi ka pjesëmarrja çuna, se të tjerat rregullohen. Nuk prishemi asnjëherë për termat. Fituesit le të flasin për demokraci funksionale, ndërsa të mundurit janë të lirë të ankohen për autokraci, madje edhe për diktaturë, po nuk u mjaftoi llogaria.

Puna është si të shtyhen ditët deri në zgjedhjet e tjera, secili sipas rangut, mjafton që të kesh dikë poshtë vetes?, shkruan Patozi./CNA.al





Lajmet e fundit nga