E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Rizgjedhja e Bashës në krye të PD/ Hoxha: Ishte një rezultat i ditur, do intensifikojmë aksionet me të rinjtë

14 Qershor 2021, 13:05, Politikë CNA

Ish zëvendës kryetari i FRPD, Lisandër Hoxha ka komentuar rizgjedhjen e Lulzim Bashës në krye të Partisë Demokratike.

Në një intervisatë për Fax News, Hoxha deklaroi se kjo nuk ishte diçka që nuk e priste dhe se nuk ishte aspak i impresionuar.

Sipas tij, çdo gjë do të jetë njëlloj siç ishte përpara 13 qershorit dhe se nuk do kishte asnjë lloj ndryshimi, duke qenë se edhe lidershipi është i njëjti.

Më tej, ai shtoi se ishte koha që situatën t?a merrnin në dorë të rinjtë dhe tha se në lidhje me këtë pjesë do të shtoheshin aksionet prej tyre për të marrë në dorë fatet e vendit dhe për të ndaluar emigrimin masiv.

?Ishte një rezultat që e dinim të gjithë se kush do të fitonte sepse kishte në dorë gjithcka. Ndërkohë kandidatët e tjerë, dilnin nëpër Shqipëri duke bërë fushatë por pa ditur se kush janë anëtarët e PD-së. Unë si Lisandër e konsiderojë në këtë mënyrë që situata është njëlloj, nuk ka ndryshuar asgjë, vazhdon i njëjti lidership që nuk impakton në shoqërinë shqiptare. Nuk më ka impresionuar, kjo është dicka që dihet për mua.

Kishte kohë për të bërë garë të pranuar nga të gjithë jo garë ku për aq ditë të takosh me mijëra veta dhe të japësh platforma qesharake. Unë nuk kam votuar asnjë, si njerëz janë të gjithë të mirë, bashkë me zotin Basha, por platforma e tij nuk sjell fitore, vetëm humbje. Kjo është hipokrizi, nëse njeh produktin e masakrës, ti njeh edhe masakrën.

Unë Edi Ramën e njihja, kisha informacione për cdo gjë, e cfarë masash morëm? Për t?a ndaluar këtë gjë. Nëse PD nuk merr përsipër përgjergjësinë që ka për të nxjerrë vendin nga ky qorrsokak, atëherë për çfarë dueht një opozitë.

T?a gëzojë mandatin 4 vjeçar, nuk më duhet mua fare kush është kryetari, mund të duhet sesi do ndikojë në qeverisje. Një grup i vogël njerëzish vjedhin të gjithë paratë publike. Të rinjtë e të rejat, edhe të PD duhet t?i prijnë vetë ndryshimit. Sytë e SHBA janë kthyer edhe njëherë nga Shqipëria për t?a pastruar nga korrupsioni.

Anëtarët e forumit rinor, nuk u lanë të votojnë. Të rinjtë e forumit, edhe pse janë në balël të protestave, nuk janë lënë të votojnë. Të nxjerrim mësim nga këto, në mënyrë që t?u prijmë ndryshimeve pa pasur burokratë partish në krah.

Boll me establishmentin që po e mban peng Shqipërinë, është koha e të rinjve, se këta të tjerët janë të lidhur në një lëmsh. Që tani e tutje do të intesifikojmë aksionet e të rinjve, sepse rrezikojmë që të rikthehemi si një forcë akoma më e dobët politike”, tha Hoxha./CNA.al