Integrimi i Shqipërisë/ Bregu: Është jetike për BE të hap negociatat për Ballkanin Perëndimor

14 Qershor 2021, 16:03, Politikë CNA

Sekretarja e Përgjithshme të Këshillit të Bashkëpunimit Rajonal, Majlinda Bregu ka folur për integrimin e Shqipërisë dhe Maqedonisë së Veriut në Bashkimin Europian. Këto dy vende kanë qenë të pandashme në procesin e integrimit, por tashmë duket se problemi po qëndron në konfliktin e hapur mes Bullgarisë dhe Maqedonisë së Veriut.

Por për Bregun, është jetike për Europën që Ballkani Perëndimor të mos mbetet jashtë një zonë me ndikimin e influencave të tjera, të cilat mesa duket nuk e kanë kaq të vështirë gjetjen e rrugës për të qenë prezente.

?Sa herë që më duhet të flasë për negociata dhe çështjen e integrimit eruopian, më duket se përsëris veten për më shumë se 15 vjet. Edhe sikur të isha njeri më naiv në botë nuk do të më mbante gjatë naiviteti për të besuar se historia e integrimit dhe e bashkimit me Europën si vend anëtar është një proces që mbyllet së shpejti.

Por, është e domosdoshme për të mbajtur jo vetëm vëmendjen gjallë, por për të mbajtur rolin dhe premtimet e dhëna të Europës në rajon që ky proces të mos ndalet, është jetik për Europën, sa është jetik për Ballkanin Perëndimor. Për ne është jetik që të mos mbetemi jashtë, për Europën është jetik që Ballkani Perëndimor të mos mbetet një zonë me ndikimin e influencave të tjera, të cilat mesa duket nuk e kanë kaq të vështirë gjetjen e rrugës për të qenë prezente?, tha Bregu në një intervistë për A2.

Më tej, Sekretarja e Përgjithshme të Këshillit të Bashkëpunimit Rajonal theksoi se ne kemi sot tregun e përbashkët rajonal në fuqi të firmosur nga liderët e rajonit prej nëntorit të vitit të kaluar.

?Jemi në përgjegjësi shumë më të mirë për të nënshkruar marrëveshje sesa në zbatimin e tyre. Kjo nuk ndodh vetëm për marrëveshjet rajonale, por është një sfidë për çdo qeveri të çdo vendi. Jemi më të mirë në programim sesa në zbatim. E vërtetë është se ne kemi sot tregun e përbashkët rajonal në fuqi të firmosur nga liderët e rajonit prej nëntorit të vitit të kaluar.

Por nuk është ligj natyre tregu i përbashkët rajonale, por përpjekje për të bërë të mundur këto agjenda: lëvizjen e lirë të qytetarëve me kartë identiteti, mbajtjen e kufijve të hapur në rajon për tregtinë, krijimin e mundësive për të pasur një turizëm të qëndrueshëm dhe për t?u dhënë mundësi bizneseve, të cilat merren me turizmin, të lëvizin në rajon, mundësinë për të lehtësuar lëvizjet, hyrjet-daljet e qytetarëve që vijnë nga vendet e treta në rajon, agjendën digjitale që është kaq e rëndësishme, ku nuk është vetëm ?roaming?; punësimin, mbajtjen e të rinjve në rajon, të cilët po largohen masivisht vit pas viti.

Pra, procesi i bashkimit dhe i integrimit Europian në rast se vonohet gjithmonë e më shumë, rrezikojmë që të kemi atë që po ndodh sot e kësaj dite, qytetarët mund t?i bashkohen një nga një dhe tek e tek duke u larguar për të gjetur një punë, Bashkimit Europian dhe ne këtu të kemi vetëm një retorikë politike, ndërsa realiteti mund të ketë ndryshuar para se të mbyllet edhe procesi përfundimtar me BE. Ka rëndësi për sigurinë, për të mbajtur një rajon të qëndrueshëm dhe të sigurt. Në fund të fundit, BE vazhdon të mbetet partneri kryesor ekonomik për vendet tona me 73%, qytetarët e rajonit me 63% mbështesin totalisht anëtarësimin me BE.

Nga ana tjetër, më vjen mirë që 77% e qytetarëve të rajonit janë tashmë të bindur se procesi i marrëdhënieve të mira me fqinjët, bashkëpunimi rajonal, biznesi, të rinjtë, njohja e diplomave, kualifikimeve, është për ta i rëndësishëm. Pra, 77% e tyre sot e dinë që marrëdhëniet e mira me fqinjin dhe nevoja për të pasur zhvillim ekonomik më të thelluar në rajon është e domosdoshme?, tha Bregu./CNA.al