web counter
LEXO PA REKLAMA!

SHKARKO APP

App Store
Google Play

Basha thyen heshtjen zgjedhore/ Hedh në “sulm” Ervin Saliajnin

12 Qershor 2021, 12:36, Politikë CNA

Nesër Partia Demokratike zhvillon zgjedhjet për drejtuesin e partisë, ku në garë janë katër kandidatë, Edith Harxhi, Fatbardh Kadilli, Agron Shehaj dhe vetë kryetari në detyrë Lulzim Basha.

Një ditë para se demokratët të drejtohen në kutitë e votimit për të zgjedhur kryetarin që do të drejtojë partinë në katër vitet e ardhshme, sot asnjë prej kandidatëve nuk duhet të bëjë asnjë deklaratë politike.

Por, duket se Lulzim Basha nuk e ka respektuar këtë rregull, duke thyer kështu heshtjen zgjedhore.

Lulzim Basha nuk ka dalë sot në media, për të folur, por ama ka nxjerrë nëpër ekrane Ervin Salianjin, I cili ka thënë se nesër Basha me siguri do të fitojë.

Në një dalje në News 24, Ervin Salianji i ka drejtuar thirrje demokratëve të votojnë masivisht, ndërsa theksoi se Basha do të ketë një fitore me diferencë ndaj kandidatëve të tjerë.

?Pjesëmarrja e nesërme në votim, tregon mbështetje masive për PD, bashkë me mbështetjen për PD. Ka një mbështetje masive ndaj z.Basha dhe do të ketë një fitore me diferencë, por nga ana tjetër një pjesë e demokratëve mendojnë se një pjesë e demokratëve mendojnë se duke qenë se është një fitore e sigurtë, mund të mos shkojnë të votojnë. I bëj thirrje kujtdo që të shkojë të marrë pjesë në votime, sepse është një ditë shumë e rëndësishme për PD dhe për të treguar forcën që ka kjo parti në momente kritike.? u shpreh Salianji.

Përtej të gjithë detajeve, që CNA.al i ka raportuar ditë pas dite, për kushtet e pabarabarta në cilat zhvillohet gara në PD, duket se Basha nuk është ndalur as sot, kur duhej të respektohej heshtja zgjedhore.

Dhe jo vetëm që nxjerr ?Babalen? e tij nëpër ekrane, por Basha edhe vazhdon të bëjë promote nëpër rrjetet sociale./CNA.al

Heshtje zgjedhore në selinë blu/ Çfarë pritet të ndodhë nesër, detajet që ?kryqëzojnë? Bashën





Lajmet e fundit nga