Heshtje zgjedhore në selinë blu/ Çfarë pritet të ndodhë nesër, detajet që “kryqëzojnë” Bashën

12 Qershor 2021, 07:44, Politikë CNA

Nesër, me datë 13 qershor, Partia Demokratike pritet të mbajë zgjedhjet për kryetarin e ri. Proces ky që vjen pas humbjes së zgjedhjeve të 25 prillit 2021.

Në këtë garë marrin pjesë katër kandidatë, Edith Harxhi, Agron Shehaj, Fatbardh Kadilli dhe vetë kreu në detyrë, Lulzim Basha. Ky i fundit, pas disa humbjes të njëpasnjëshme, vijon të mbajë karrigen e kryetarit dhe për më tepër garon duke qënë në detyrë.

Një ditë para se demokratët të drejtohen në kutitë e votimit për të zgjedhur kryetarin që do të drejtojë partinë në katër vitet e ardhshme, sot asnjë prej kandidatëve nuk duhet të bëjë asnjë deklaratë politike për të respektuar heshtjen zgjedhore.

Ndërsa, nesër rreth 75 mijë anëtarë me të drejtë vote do të shprehin vullnetin e tyre për kandidatin e preferuar.

Kryetari i Komisionit Zgjedhor në PD, Jemin Gjana, në një deklaratë për mediat ka bërë të ditur se demokratët me të drejtë vote janë të gjithë ata që kanë kartë anëtarësie, përveç atyre që në zgjedhjet e 25 Prillit kanë bërë fushatë për kundërshtarët, që nënkupton çdo parti tjetër përveç koalicionit Partia Demokratike-Aleanca për Ndryshim.

Por çfarë pritet të ndodhë nesër?

Në fakt ajo çfarë ka treguar fushata për kreun e PD-së, të bën të dyshosh se Lulzim Basha ka krijuar të gjithë infrastrukturën e mundshme, për të zhvilluar një proces farsë dhe të manipuluar.

Sikurse CNA.al e ka raportuar edhe më parë, ajo që tashmë është fakt, është se gara zhvillohet në kushte tërësisht të pabarabarta.

Prej 19 majit, kur edhe kanë filluar takimet në degët locale, në kuadër të fushatës për zgjedhjet e brendshme, dukej qartë se Lulzim Basha ka pas vetes të gjithë administratën e PD, ndërsa kandidatët e tjerë nuk kanë asgjë.

Për më tepër, Lulzim Basha ka fshehur edhe listën e anëtarësisë së PD, duke mos pranuar tua vërë në dispozicion edhe kandidatëve të tjerë. (Lexo këtu).

Nga ana tjetër, mjafton të shikojmë faqen zyrtare të Partisë Demokratike në rrjetet sociale, dhe kuptohet fare qartë sesa në kushte të ?barabarta? po zhvillohet gara.

Në faqen zyrtare të PD në rrjetet sociale ka çdo ditë video nga takimet e Lulzim Bashës me demokratët në degët lokale, takime të gjitha në kuadër të fushatës për zgjedhjet e 13 qershorit, por nuk ka asnjë video të kandidatëve të tjerë. (Lexo ketu)

Lulzim Basha ka kryetarët e degëve, ka administratën e PD, ka listat e anëtarësisë, ka në dispozicion të gjithë infrastrukturën e PD, ndërsa kandidatët e tjerë nuk kanë asgjë.

Nëse vërtetë Lulzim Basha do donte të bënte një garë të barabartë dhe të ndershme, do kishte dhënë dorëheqjen dhe do kishte garuar njëlloj si kandidatët e tjerë. Por, mesa duket ai ka frikë të japë dorëheqjen, sepse do të humbte.

Këto janë detajet e fushatës zgjedhore, që të çojnë në dyshime të forta, se gjithçka është e manipuluar, dhe se gara është e paravendosur.

Megjithatë gjithçka do të duket e qartë nesër, pasi demokratët t’i drejtohen kutive të votimit./CNA.al

Fakti-Gara për kreun e PD e paravendosur/ Basha manipulon fushatën

Basha “zhduk” anëtarët/ Rivalët nuk i marrin dot emrat

Fakti-Gara për kreun e PD e paravendosur/ Basha manipulon fushatën

?Masakra zgjedhore? që po përgatit Lulzim Basha/ Demokratët përballë provës