E fundit!

17:34 Politikë

Rama pret në takim Presidentin e Lituanisë/ Zbardhen diskutimet

Kryeministri Edi Rama ka pritur ditën e sotme në një takim...

REPORTAZH-300 turistë, sfidues të terreneve malore/ Rally Albania’ dhuron spektakël

9 Qershor 2021, 08:53, Kulturë CNA

?Rally Albania? është një event sportiv që organizohet çdo vit dhe bën bashkë 300 të huaj nga e gjithë bota, kryesisht nga shtetet e Europës.

Me shumëllojshmëri automjetesh dhe motorrash, ata bëjnë tour në gjithë Shqipërinë, duke garuar përmes terreneve të vështira malore.

Ditën e djeshme ky event është ndalur në qytetin e Ersekës, një itinerar i nisur që prej qytetit të Gjirokastrës dhe që ka zgjatur 12 orë deri në përfundimin e saj në qytetin e bukur të Ersekës.

Terreni i vështirë malor, shtigjet e paeksploruara dhe të pashkelura më parë për garuesit, kanë qenë një sfidë më vete për ta, që u ka sjellë një kënaqësi ndryshe nga qytetet e tjera.

Pjesë e garës janë bërë drejtuesit e 140 motorrave dhe 60 automjeteve të cilët së bashku me pasagjerët, ku 30% e tyre kanë qënë femra, kanë shijuar bukuritë e rralla dhe natyrën piktoreske.

Ky është një lloj eventi sportiv që të sjell adrenalinë, dhe juglindja ka qënë e papromovuar nga të apasionuarit e garave sportive, çka ka bërë që këtë vit ata të bëjnë pjesë të tyre edhe terrenin malor të Kolonjës.

Garuesit mbërritën në qytet rreth orës 18:00 të pasdites, ndonëse të lodhur nga orët e gjata të udhëtimit, ende shumë të kënaqur që arritën në destinacionin e rradhës.

Aty takuam të apasionuarit e këtyre garave sportive të cilët kryesisht na treguan eksperiencat ndër vite dhe përshtypjet e tyre për eksperiencën e rradhës.

Henry Gast, garues nga Gjermania:

?Zgjodha të bëhem pjesë e Rally Albania në vitin 2017, aty ku nisa aventurën e rradhës me qindra garues të tjerë.

Është hera ime e tretë që garoj në Shqipëri. Vendosa të rikthehem pasi ka njerëz shumë të mirë në këtë shtet, organizimi është fantastik dhe gara më fal shumë emocione.

Krahas emocioneve, kënaqësia që më fal ky lloj sporti ndihet në çdo moment. Ta zhvillosh këtë sport në Shqipëri përveç mikpritjes, gjej një terrën të mrekullueshëm, i cili nuk të bën të pendohesh që je pjesë e tij. Pra, me bindje e them se do të rikthehem përsëri dhe këtë gjë u?a sugjeroj të gjithë të apasionuarve pas garave sportive.?.

Peter Ebenberger, garues nga Austria:

?Vij nga Austria dhe kjo nuk është hera ime e parë në Shqipëri.

Jam bërë pjesë e garave që prej vitit 2018. Arsyeja që unë jam sot këtu është sepse më pëlqejnë njërëzit të cilët janë shumë dashamirës ndaj nesh dhe na kanë shfaqur një mikpritje të veçantë krahas interesit të madh për të na parë.

Një tjetër arsye është pikërisht terreni, me malet e bukura dhe shtigjet misterioze. Duket se kjo është një paketë fantastike. S

Por për shkak të rreshjeve të shiut, terreni ka qënë më i vështirë pasi automjetet dhe motorrat rrëshkisnin gjatë udhëtimit. Por kjo nuk na ndali aventurën tonë të rradhës.?

Csaba Katona, garues nga Hungaria:

?Është hera ime e parë në Shqipëri, ne nuk e njohim terrenin ndaj ishte e vështirë për ne. Rruga u bë shumë baltë pasi ra shumë shi.

Vendi juaj është shumë i bukur, por gara këtu është disi e vështirë e nuk e di si do përfundojë. Panorama e Shqipërisë më ngjason me Zvicrën, dete dhe male fantastike. Sot ishte etapa e tretë dhe gara do të përfundojë në Tiranë.?.

Pjesë e aktivitetit për të mirëpritur garuesit e huaj ka qënë një koncert me këngë dhe valle tradicionale të zonës.

Të gjithë pjesëmarrësit në këtë event, u njohën me folklorin dhe traditën kolonjare, ndërsa fokusi për këtë sezon veror mbetet promovimi i zonës dhe tërheqja e sa më shumë turistëve vendas dhe të huaj.

E pikërisht ky event ka bërë që Kolonjës ti jepet një tjetër pamje ndonëse me kushte të këqija atmosferike.

Kryetari i Bashkisë Erion Isai ka treguar rëndësinë e veccantë të këtij eventi që për fat u bë pjesë edhe Kolonja.

?Më pëlqen që ka marrë ngjyrat që i bashkangjitet më shumë formës se natyres së saj, të egër dhe të virgjër, dhe sfida e garës Rally që e shton jo vetëm në një garë sportive por edhe si një pasqyrë prezantimi për këta sportistë ndërkombëtare. Për ta prezantuar Kolonjën, për të shkuar si një gjerdan përcjelljeje tek vendet e tyre, dhe një mundësi për të sjellë sa më shumë turistë tani që vendi është i hapur.?.

Qëndrimi i rreth 300 garuesve ishte një ditor në qytetin e Ersekës, ku akomodimi është bërë nga banorët e Rehovës të cilët hapën dyert e shtëpive të tyre për t?i mirëpritur ata duke u siguruar një natë të qetë dhe cclodhëse për të rinisur sërish udhëtimin i cili destinacionin e radhës ka qytetin e Pukës./CNA.al