web counter
LEXO PA REKLAMA!

SHKARKO APP

App Store
Google Play

E fundit!

x

Një jetë në skenë/ Aktori i mirënjohur korçar, Petrika Riza feston sot 74 vjetorin e lindjes

1 Qershor 2021, 09:20, Kulturë CNA

Petrika Riza, aktori i mirënjohur korçar i skenës dhe ekranit feston sot 74 vjetorin e lindjes.

Në mbi 90 rolet në teatër e 20 të tjerë në kinematografi, Petrika Riza me talentin, gjallërinë e interpretimit dhe lojën e veçantë aktoriale e ka ngritur dhe zhvilluar artin skenik në nivele të larta, duke merituar vlerësimin dhe duartrokitjet e ngrohta të publikut.

Ky i fundit, ka lindur në 1 qershor 1947 në qytetin e Korçës. Fillon jetën e tij profesionale që në moshë të re, në vitin 1964, duke u aktivizuar në trupën amatore të Teatrit të Korçës. Më pas do të bëhet aktor profesionist në Teatrin ?Andon Z. Çajupi? të po këtij qyteti. Të shumta janë rolet e tij si në Teatër ashtu edhe në Kinematografi.

Interpretimi i tij i parë në kinematografi do të jetë në rolin e brigadierit të repartit të saldatorëve në filmin ?Montatorja?, në vitin 1970. Më tej do të vazhdonin më se 20 interpretime në filma artistikë dhe televizivë.

Ka luajtur mjaft role, si te dyta dhe te vogla, po ashtu edhe kryesore e protagoniste. Xhaxha Madhi në shfaqjen ?Rruga e Madhe? të Vangjush Zikos(1974), Xhon Kelleri tek ?Ishin të gjithë bijtë e mi? e A. Milerit (1976), dhespoti Filothe te ?Plumbat e shkronjave? e Naum Priftit(1980), komisari te ?Përbindëshi?(1983), Volpone te Volpone e B. Xhonsonit, prokurori te ?Denoncimi? e Ruzhdi Pulahës etj.

Në vitin 2007, në spektaklin e titulluar ?Protagonist 2007?, të organizuar nga Bashkia Korçë, për të vlerësuar artistët më të mirë, personalitetet më të spikatura në sferat e ndryshme të artit, atij figurativ, muzikës, skenës dhe të interpretimit të artit korçar, do t?i jepet Çmimi ? Aktori më i mirë?.

Petrika Riza ka portretizuar mjeshtërisht dhe realisht personazhet e dramat e tyre psikologjike, duke i bërë ato të pashlyeshme nga kujtesa e artdashësve shqiptarë, që nuk kanë për ta harruar forcën aktoreske, mjeshtërinë artistike, zërin e ngrohtë e potent dhe origjinalitetin e interpretimeve të tij.

Në shkurt të këtij vit, ai u dekorua dhe nga Presidenti i Republikës me titullin ?Mjeshtër i Madh?./CNA.al

 





Lajmet e fundit nga