VIDEO/ Shpresat e Bushit zhgënjejnë në testin miqësor, Bullgaria i mund me goleadë

8 Qershor 2021, 17:30, Sport CNA

Bullgari U-21-Shqipëri U-21 4-0

Nga fitorja e thellë kundër Andorrës në një humbje po të tillë kundër Bullgarisë. Kuqezinjtë e vegjël ndryshojnë fytyrë brenda pak ditëve. Shpresat e udhëhequra nga Alban Bushi zhgënjejnë në testin miqësor të zhvilluar ditën e sotme. Kombëtarja U21 hyri në fushë me një formacion krejtësisht ndryshe nga ai kundër Andorrës, duke i besuar këtë herë më tepër prodhimit të futbollit shqiptar.

Por fati nuk u buzëqeshi këtë herë, teksa Bullgaria fitoi me goleadë 4-0 në fushën e lojës. Kundërshtarët e gjetën rrugën e rrjetës shumë shpejt, teksa që në minutën e 2-të të takimit e dërgojnë topin pas shpinës së Laroshit. Vetëm 3 minuta më vonë bullgarët dyfishijnë shifrat, ndërsa në harkun kohor të 12 minutave e gjejnë veten në një avantazh 3-0. Ndërkohë goli i fundit për ta do të vinte në minutën e 68 të pjesës së dytë.

FT: BULLGARI U21- SHQIPËRI U21 4-0

Shopov 2? , 11?, S.Petrov 5? , Nikolov 68? (p)

KOMENTI LIVE:

Përfundon takimi!

68? GOL BULLGARIA U-21 4-0/ Vendasit realizojnë edhe golin e katërt me 11-metërsh me anë të Nikolov.

60? Bullgarët provojnë me golin e katërt, Petroviç provon me një roveshatë brenda zonës, topi shkon ngjitur me shtyllën e djathtë pingule.

46? Starton pjesa e dytë.

Mbyllet pjesa e parë!

44? Pranë golit Shqipëria me Markun, futbollisti i Laçit del i vetëm përballë portierit, por tentativa e tij ndalet me këmbë nga Vutsov.

35? Kuqezinjtë rrezikojnë sërish nga goditja e këndi, por sërish tentativa e Dragoshit me kokë brenda zonës, ndalet nga portieri bullgar.

20? Shqipëria provon të reagojë me Kalajn, i cili godet me kokë, pas një harkimi nga këndi, por tentativa e tij ndalet nga portieri kundërshtar.

14? Alban Bushi kryen menjëherë zëvendësim, largohet nga loja Mario Gjata, vendin e tij e merr Karrica.

11? GOL BULLGARIA U21 3-0/ Shpërfytyrohet Kombëtarja Shpresa, vendasit realizojnë edhe goli e tretë me anë të Shopov. Bullgarët depërtojnë lehtësisht në mbrojtjen kuqezi që duket në gjumë.

10? Pranë golit Shqipëria me anë të Ismajgecit që provon me një predhë nga goditja e dënimit, por grushton në vështirësi portieri kundërshtar.

5? GOL BULLGARIA U21 2-0/ Start katastrofik për kuqezinjtë që pësojnë edhe golin e dytë. Petrov ishte autori i golit të dytë për bullgarët. Pas një harkimi nga këndi, Ismajlgeci për pak sa nuk shkakton autogol, topi përplaset në traversë, teksa Petrov nuk e ka të vështirë nga shumë pranë vijës fatale duke e shtyrë drejt rrjetës.

2? GOL BULLGARIA U21 1-0/ Vendasit kalojnë menjëherë në avantazh me anë të futbollistit Shopov.

1? Ka startuar miqësorja.