web counter
LEXO PA REKLAMA!

SHKARKO APP

App Store
Google Play

Kadilli “kryqëzon” Lidhjen Demokratike të Gruas/ “Nuk diskutuan vizionin tim”

7 Qershor 2021, 11:01, Politikë CNA

Kandidati për kryetar të Partisë Demokratike, Fatbardh Kadilli ka reaguar pas komenteve, në lidhje me një deklaratë për përdorimin e Lidhjes Demokratike të Gruas, sipas tij në një mënyrë krejt të vjetëruar politike.

Në një postim në rrjetet sociale ai shprehet se deri më sot nuk ka parë asnjë përqëndrim tek propozimet e tij.

Kadilli ftoi të gjithë drejtuesit e FRPD-së, për një bisedë në lidhje me vizionin e tij për raportet e partisë me organizatat partnere.

?Pas një reagimi në Facebook për përdorimin e Lidhjes Demokratike të Gruas në një mënyrë krejt të vjetëruar politike, pati shume reagime nga anëtarë të Kryesisë dhe drejtues lokalë të Forumit Rinor.

Dukshëm, reagimet ishin emocionale dhe nuk mbanin në konsideratë asgjë nga propozimi im në Manifestin Politik për Ringritjen e PD. Jam i bindur që vetëm kur njerëzit kuvendojnë kanë mundësi të kuptojnë njëri-tjetrin.

Deri më sot nuk kam parë përqendrim tek propozimi, i cili është konsideruar sulm, ndërkohë që është kritikë, ndaj i ftoj drejtuesit e FRPD që, të ulemi të diskutojmë për vizionin tim për raportet e partisë me organizatat partnere, dhe si duhet të rikonceptohen dhe të funksionojnë ato?, ka shkruar Kadilli./ CNA.al





Lajmet e fundit nga