Zgjedhjet në PD/ Edith Harxhi flet për raportet me Berishën dhe “inatet politike” kundër Bashës

2 Qershor 2021, 18:47, Politikë CNA

Edith Harxhi, kandidatja që synon të marrë drejtimin e Partisë Demokratike ka komentuar vendimin e Departamentit Amerikan të Shtetit për shpalljen ?non grata? të ish-kryeministrit Sali Berisha.

Përballë gazetares Ilva Tare, znj. Harxhi thotë se ky vendim ?ishte i trishtë? për Shqipërinë dhe demokratët, por shtoi se nuk mund ta paragjykojë gjykimin e DASH.

Ajo tha se i ka telefonuar familjarët e ish-liderit historik të PD-së dhe u ka ofruar mbështetjen në këtë situatë të vështirë për shkak të marrëdhënieve korrekte, që siç tha i ka pasur me z. Berisha.

?Kam komunikuar, më falënderuan për mbështetjen që unë jap në këtë situatë të vështirë, sepse është një mbështetje njerëzore. Unë nuk paragjykoj vendim, por unë mendoj se vlerat e miqësisë unë i kam shumë të shenjta dhe pavarësisht gjithçkaje unë i mbështes ata. Unë ju thashë se nuk e paragjykoj vendimin, mbi të gjitha duke qenë diplomate dhe duke pasur një lidhje të drejtpërdrejtë me institucionet në SHBA, nuk mund ta paragjykoj si vendim?, tha ajo.

Ajo tha se vendimi i ish-kryeministrit Berisha për të nisur një betejë ligjore ndaj Sekretarit Amerikan Antony Blinken është betejë personale e tij dhe nuk lidhet me Partinë Demokratike.

Znj. Harxhi tha se pavarësisht vendimit të DASH, roli i Berishës në demokraci dhe në çështjen shqiptare do mbetet i pazëvendësueshëm.

?Mbi të gjitha z. Berisha e ka bërë situatën më të thjeshtë, sepse ai ka hapur një çështje individuale në një gjykatë jashtë vendit, pra, e ka ndarë partinë nga individi. Nga ana tjetër ka qenë një ngjarje e trishtë për Shqipërinë, moment i vështirë për PD, sepse unë shoh situatën në strukturat tona që e kanë shqetësim shumë të madh këtë që ka ngjarë sot. Megjithatë mendoj se PD dhe z. Basha duhet të kishte reaguar në një mënyrë tjetër, mund duk pak ambig [i paqartë] në një farë mënyre. Pavarësisht situatës së krijuar, z. Bersisha?kontributet e z. Berisha në demokraci dhe në çështjen kombëtare shqiptare janë të padiskutueshme, pastaj çështje të tjera janë çështje individuale të z. Berisha. Në kohën që unë kam bashkëpunuar me të kam pasur një bashkëpunim perfekt dhe unë gjykoj mbi këto baza dhe këto terma?, tha Haxhi.

Kandidatja që synon të marrë drejtimin e PD-së thotë se projekti i saj planifikon t?i japë fund trancizionit të tejzgjatur në Shqipëri si dhe brenda vetë selisë blu.

Sa i takon z. Berisha, Harxhi u shpreh se është në dorën e tij të zgjedhë nëse do jetë në parlament apo jo.

?PD e ka shumë më të thjeshtë për të vepruar tani që z. Berisha ka dalë vetë dhe ka filluar një betejë ligjore dhe unë nuk e besoj se kjo është çështje e PD më. Në programim tim unë flas për projekt të ri dhe kam thënë se do jetë fundi i tranzicionit në Shqipëri, por do të jetë dhe fundi i tranzicionit në PD. Z. Berisha tashmë, pavarësisht gjitha atributeve të tij, ka ardhur në një moment, i cili ai merr vendimin e tij nëse do jetë deputet apo jo, por kjo çështje sapo ka filluar dhe do shohim zhvillimet, sepse ne ende nuk kemi një certifikim të zgjedhjeve?, shtoi ajo.

Pyetur nga gazetarja Ilva Tare se sa të vështirë e ka garën me z. Basha, kandidatja Harxhi u shpreh se nuk konstaton ndonjë vështirësi të tillë pasi për të figura e z. Basha është venitur para demokratëve dhe mbështetësve të partisë.

?Jo absolutisht, është garë shumë e thjeshtë. Nëse do kisha më shumë kohë, jam e sigurt se rezultati do ishte i padiskutueshëm. Sot do të kisha ardhura me idenë e të të padiskutueshmes, sepse Basha vjen pas një serie humbjesh dhe mos-mbajtje të premtimeve. Pozicioni i tij dhe figura e tij është venituara para demokratëve dhe anëtarëve të Partisë Demokratike. Ai është në kuotat më të ulëta si kryetar partie, në gjykim tim dhe demokratëve që unë takoj?, tha ai.

Ajo tha se marrëdhëniet miqësore me z. Basha i ka ndërprerë në vitin 2017 dhe shkak për këtë është bërë marrëveshja që ai firmosi me kryeministrin Edi Rama, në 17 maj të po atij viti.

?Raporti miqësor po është i vështirë, sepse do të thyesh disa barriera miqësie, të cilat kanë qenë shumë të thjeshta kur ti je mik me të. Unë nuk ka asgjë personale me z. Basha si individë, por unë kam me Bashën si kryetar i PD për mungesën e udhëheqjes. Është ndërprerë komunikimi në 2017 dhe është ndërprerë prej meje për shkak të marrëveshjes se 2017-s dhe zgjedhjeve të 2017-s, natyrisht ka pasur në mes edhe elementë personalë?, theksoi ajo./euronews