web counter
LEXO PA REKLAMA!

SHKARKO APP

App Store
Google Play

E fundit!

x

"Të fitosh një kupë në Shkodër, sikur shtohesh me djalë", trajneri i Vllaznisë godet me deklaratën

1 Qershor 2021, 16:03, Sport CNA

Fjalëpak e shumëpunë, Elvis Plori këtë sezon ka qenë krahu i djathtë i Tomas Brdariçit. Ka drejtuar ekipe në Kategorinë e Parë, por edhe në Superiore, apo dhe moshat? Me pak fjalë një trajner i kompletuar tashmë, për të kërkuar diçka më shumë. Jo se i ka munguar oferta, por kot nuk thonë, ?shtëpi e ëmbla shtëpi? e kur piqen kushtet për një Vllazni të madhe nuk ke pse të mos rikkthehesh?

Natyrisht që meritë të madhe kanë edhe ata, që duken si në prapvijë, por me heshtjen dhe punën e tyre kanë bërë shumë për këtë Vllazni. Elvis Plori është një ndër ta, që ka edhe një medalje si kampion me Vllazninë e Myftar Çelës, ashtu si dhe Ideal Lekiqi, e padyshim Safet Osja e padyshim doktor Ilirjan Haxhaja, që rrugët e gjata të Vllaznisë nëpër rrethe bën që lojtarët të mos i ndiejnë shumë. Janë ata puro shkodranët që u bën bashkë, e me Bërdariçin në krye ja dolën. Arritën që ta kthejnë Vllazninë në gen. Por edhe Matko Djarmati si drejtor teknik, e natyrisht edhe qetësia e kultura e Alban Xhaferit, një president ndryshe nga ata që jemi mësuar të shohim në elitë?

Elvis Plori spikat tek ata trajnerë të rinj që dallohet për lojën e bukur, për hapësirën që u jep lojtarëve të rinj dhe futbollin bashkëkohor, e ka bërë me Besëlidhjen, Tërbunin apo dhe Kastriotin, ndërsa edhe te Vllaznia e injektoi atë eksperiencë këtë sezon, në çdo moment në krah të Bradriçit, edhe atëherë kur u rrëzuan, gjetën forcën dhe u ngritën.

Si shkodran në staf falënderimi i tij dhe shprehja bën jo pak përshtypje??Kur fiton një Kupë në Shkodër, sikur shtohesh me djalë?. Nuk ka se si të ndodh ndryshe, Vllaznia dje ka marrë urime anembanë vendit, sepse Shkodra jo më kot është djep futbolli dhe siç thonë edhe shkodranët dhe Plori? ?Vllaznia është dashni??





Lajmet e fundit nga