web counter
LEXO PA REKLAMA!

SHKARKO APP

App Store
Google Play

E fundit!

x

Pjanic mesazh Allegrit, dëshiron kthimin tek Juvja

1 Qershor 2021, 10:40, Sport CNA

Miralem Pjanic sapo mbylli një sezon për t?u harruar te Barcelona. Mesfushori boshnjak nuk ishte në gjendje të fitonte vendin e titullarit te katalanët, madje me kalimin e kohës hapësirat e tij në formacion u minimizuan.

Për këtë arsye, 31-vjeçari po mendon të kthehet tek Juventusi, ku vitet e fundit ka udhëhequr mesfushën bardhezi. Sipas ?Tuttosport?, mes shumë mesazheve të marra nga Allegri ditën e kthimit të tij tek Juventusi, njëri ishte nga mesfushori boshnjak.

Pjanic, i cili ka luajtur në vetëm 19 ndeshje në La Liga në këtë sezon dhe në vetëm 6 raste se titullar, do të ishte i lumtur të kthehej në Torino dhe të vihej përsëri nën urdhrat e një trajneri që ishte në gjendje ta përmirësonte dhe me të cilin fitoi shumë. Pra, hipoteza e një kthimi të bujshëm te ?Zonja e Vjetër?, vetëm një vit pas ndarjes, nuk duhet të hidhet poshtë.

Pjanic pa dyshim që do të merrte një pozicion thelbësor në mesfushën e Juves, por çështja e tij do të trajtohet në mbledhjen e parë të merkatos, që do të ulë në një tryezë Allegrin, Federico Cherubinin dhe drejtuesit e tjerë të klubit bardhezi.

Trajneri i Juventusit është pro kthimit të një lojtari, të cilin e njeh mirë, por është e nevojshme të gjendet formula e duhur, që i kënaq të gjitha palët e përfshira në operacion.





Lajmet e fundit nga