E fundit!

12:07 Politikë

Rama nuk ishte në interpelancë/ Berisha: Nuk shkel më në Parlament, s'ia mban

Kryetari i Partisë Demokratike, Sali Berisha ka folur jash...

Hajdarmataj sërish para Vettingut/ Kërkohet “koka” e ish-kreut të Krimeve të Rënda

31 Maj 2021, 12:52, Vetingu CNA

Ish kreu i Prokurorisë së Për Krime të Rënda, Besim Hajdarmataj do të nisë betejën në shkallën e dytë të Vettingut, përkatësisht në Kolegjin e Posaçëm të Apelimit.

Ditën e hënë, më datë 21.06.2021, ora 10:00, do të gjykohet në seancë publike çështja (JR) nr.3/2020 datë 14.01.2020 që i përket ankimit të paraqitur nga Komisioneri Publik kundër vendimit nr. 200, datë 16.10.2019 të Komisionit të Pavarur të Kualifikimit, që lidhet me subjektin e rivlerësimit Besim Hajdarmataj.

Hajdarmataj do të jetë në duar të trupit gjykues më përbërje Rezarta Schuetz, kryesuese, Ardian Hajdari relatori dhe Albana Shtylla, Ina Rama, Sokol Çomo, anëtarë.

KPA mbi një vit hetime për Hajdarmatajn

Në Dhjetor të vitit 2019, Komisioneri Publik, ka njoftuar për apelimin e vendimit të Komisionit të Pavarur të Kualifikimit ndaj prokurorit Besim Hajdarmataj.

Komisioneri bazuar edhe në vëzhgimin e Operacionit Ndërkombëtar të Monitorimit i kërkon Kolegjit të Posaçëm të Apelimit të shkarkojë Hajdarmatën për shkak të dyshimeve mbi pasurinë.

Në ankimim e Komisionerit Darjel Sina, thuhet se në disa raste Komisioni i Pavarur i Kualifikimit ka dhënë arsyetime të pasakta në favor të Hajdarmatës.

?Nga shqyrtimi i vendimit nr. 200/2019, të Komisionit dhe akteve shoqëruese të tij, paraqiten rrethana të tilla ligjore e fakti, për të cilat çmon se ky vendim është i cenueshëm në tërësinë e tij, si dhe përmban shkaqe të mjaftueshme ligjore për t?iu paraqitur juridiksionit kontrollues dhe rivlerësues të Kolegjit?, thuhet në ankim.

Hajdarmataj ka qenë kreu i Prokurorisë për Krime të Rënda dhe me emërimin e Arta Markut në krye të Prokurorisë së Përgjithshme u shkarkua nga detyra dhe u la si prokuror i thjeshtë.

Më pas Hajdarmataj u ?internua? në Pogradec, po nga Arta Marku, të cilën e mundi në Gjykatë dhe u kthye në Tiranë.

Pas shkrirjes së Krimeve të Rënda, Hajdarmataj u trasferua nga Këshilli i Lartë i Prokurorisë në Prokurorinë e Tiranës.

Ai u konfirmu nga KPK më 16 tetor, por menjëherë pas zbardhjes së vendimit ONM publikoi një rekomandim në të cilin kërkonte apelimin e vendimit.

Trupa gjykuese që hetoi çështjen ndaj tij në KPK kryesohej nga Brunilda Bekteshi, me relatore Suela Zhegu dhe anëtar Roland Ilia. Vëzhgues ndërkombëtar ishte Ferdinando Buatier./CNA.al