web counter
LEXO PA REKLAMA!

SHKARKO APP

App Store
Google Play

VIDEO/ De Gea i dhuron Villarrealit trofeun e Europa League, spanjollët triumfojnë pas në finale pas 22 penalltish

26 Maj 2021, 22:09, Sport CNA

Villarreal është fituese e Europa League pas një ndeshje ?maratonë?, e cila u mbyll vetëm përmes penalltive, pasi 120 minutat u mbyllën në barazim 1-1 me gola të shënuar nga Moreno për spanjollët dhe Cavani për United. Skuadra e Emery tregua më e sakte nga pika e bardhë, pas plot 21 goditjeve të sakta nga pika e bardhë.

Ndeshja nisi e barabartë për të dy skuadrat, me United, që e tentoi më partë portën. Gjithsesi, golin e shënuan spanjollët, që kaluan në avantazh me Gerard Morenon në minutën e 29, duke e mbyllur pjesën e parë në avantazhin e Villarreal.

Në pjesën e dytë Manchester United vjen me një version më agresiv dhe dominues e viziton vazhdimisht portën e spanjollëve. Në minutën e 55 ishte Edinson Cavani, që përfitoi nga një hezitim në zonën kundërshtare dhe goditi pranë portës, duke tundur rrjetën dhe barazuar shifrat.

Në pjesën e mbetur të ndeshjes anglezët ishin shumë më kërkues dhe e rrezikuan më shumë portën rivale, por gol nuk kishte dhe ndeshja shkoi në shtesa. As në 30 minutat e shtesës nuk kishte gola, me të dy skuadrat, që ishin të kujdesshme dhe luajtën pa ritëm.

Kështu, në shtesë nuk u shënua asnjë gol derisa arbitri i drejtoi skuadrat drejt penalltive. Në gjuajtjet e para të dyja skuadrat ishin kirurgjikale dhe shënuan njëra pas tjetrës, duke shënuar plot 21 penallti radhazi, derisa erdhi radha e David De Gea, të cilit homologu i tij, Rulli ja priti goditjen.

Kështu, Villarreal fiton për herë të parë në histori një kompeticion evropian dhe e bën këtë pa u mundur asnjëherë gjatë kësaj aventure. Ndërkohë, Unai Emery e ka privatizuar Europa League, duke e fituar plot 4 herë.





Lajmet e fundit nga