web counter
LEXO PA REKLAMA!

SHKARKO APP

App Store
Google Play

Grupimi “Për PD”/ Nishani: Edith Harxhi thelemuese e partisë, kandidatja e duhur për të drejtuar opozitën

27 Maj 2021, 18:12, Politikë CNA

Ish-presidenti Bujar Nishani, duke folur për lëvizjen politike ?Për PD-në?, deklaroi se ai dhe kolegët e tij luftojnë për një Parti Demokratike, që të jetë e denjë të rivalizojë PS-në dhe të marrë drejtimin e vendit.

Nishani theksoi se situata në PD është sot dëshpëruese dhe se duhet bërë gjithçka që të ndryshojë.

?PD ka dështuar që të bindë shumicën e shqiptarëve, që të marrë besimin e tyre, që të bëjë të pavlefshme masakrën e zgjedhjeve. Basha e quan masakër në mënyrë hipokrite, sepse Basha nuk njeh rezultatet e një masakre. Basha po njeh parlamentin duke hyrë në të, e do të thotë se pranon produktin e 25 prillit, që i bie që nuk ka pasur masakër elektorale.

Për mua, ka pasur deri diku një masakër elektorale, por tek Basha dëgjuam të njëjtat gjëra. Situata në PD është dëshpëruese, duke krijuar krizë të thellë në Partinë Demokratike. Grupimi për PD ka kauzë ringritjen e Partisë Demokratike. Basha vendosi të gjitha konditat në favor të tij. Ne duhet të jemi pjesë e betejës. Ne mendojmë se me kandidaturën e zonjës Harxhi mund të përfaqësohemi denjësisht, është themeluese e partisë. Jam i bindur se kandidatët tanë do kenë rezultat mjaft të mirë?, tha Nishani./CNA.al





Lajmet e fundit nga