Gara për kreun e PD/ Basha “zhduk” listat, anëtarësia zvogëlohet papritur me 28 mijë anëtarë

27 Maj 2021, 15:49, Politikë CNA

Në datën 13 qershor Partia Demokratike do të shkojë në zgjedhje të brendshme për të zgjedhur kryetarin e ri, pas humbjes së zgjedhjeve të 25 prillit.

Numri i demokratëve që do të marrin pjesë në këto zgjedhje është një nga çështjet kryesore që po diskutohet nga kandidatët që janë në garë.

Të tre kandidatët, Agron Shehaj, Edith Harxhi dhe Fatbardh Kadilli, kanë qenë të shqetësuar për mungesën e transparencës në këtë proces dhe faktit që listat zgjedhore nuk ishin publike, duke e bërë garën të pabarabartë. Ata kanë shprehur shqetësim lidhur me listat e anëtarësisë, të cilat nuk janë të disponueshme, madje ata nuk ishin në dijeni të numrit të anëtarëve që ka kjo parti.

Në një intervistë për CNA.al pak ditë më parë, Fatbardh Kadilli, kandidat për kreun e Partisë Demokratike u shpreh se gara e 13 qershorit është me rregulla të papërcaktuara qartë, duke e vënë theksin në mungesën e Komisionit të Ankesave me anëtarë.

Kreu i Komisionit Zgjedhor në PD Jemin Gjana doli sot në një deklaratë për mediat, ku deklaroi se kjo parti ka në përbërjen e saj 75 mijë anëtarë, ndonëse në 9 korrik 2017 ai deklaronte se PD kishte në përbërjen e saj 100 mijë anëtarë.

?Janë mbi 100 mijë anëtarë të regjistruar që kanë kartën dixhitale, por që kësaj liste pritet t?i shtohen edhe të tjera, pasi bëhet fjalë për anëtarët e PD-së, që mbartin kartën e anëtarësisë që nga viti ?91 e këtej?, shprehej Gjana.

Por, sipas një krahasimi të Institutit të Studimeve Politike (ISP), kjo forcë politike ka një rënie drastike me rreth 28 mijë anëtarë që nga zgjedhjet e vitit 2017.

?I njëjti drejtues në zgjedhjet e brendshme partiake më 2017 pati deklaruar se PD kishte 103,952 në Regjistër, pra më shumë se 28 mijë anëtarë sesa deklarimi i tanishëm”, konstaton ISP.

Por, si ka mundësi që PD të reduktohet në anëtarësi, në kohën kur kjo parti ka pësuar rritje të konsiderueshme në këto zgjedhje? Si ka mundësi që nga kjo parti të avullojnë 28 mijë anëtarë për katër vjet, ndërkohë që Lulzim Basha bërtet çdo ditë që PD është rritur dhe se ka marrë një rezultat të mirë në zgjedhje ?pavarësisht masakrës elektorale?.

Nëse do të ndjekim këtë linjë, pra se 28 mijë demokratë e kanë braktisur papritur partinë, akuzat për ?masakër zgjedhore? kthehen në qesharaka, pasi me sa duket, sipas vetë shifrave të PD-së, kjo parti qenka braktisur edhe nga vetë anëtarët e saj, jo më nga votuesit pa përkatësi partiake.

Po në të njëjtën linjë, ISP, ka konstatuar se ?kriza e vitit 1997-1999 i solli PD-së pothuajse 50% humbje të anëtarësisë, kurse gjatë 4 viteve të fundit anëtarësia ka rënë me rreth 28 mijë anëtarë?.

Pra, në kushtet kur vendi nuk ka patur asnjë krizë të ngjashme me atë të vitit 97?, kur opozita ishte përgatitur për të marrë pushtet, kur Lulzim Basha shëtiste në mbarë vendin si kryeministri i ardhshëm, papritur në PD avullojnë 28 mijë anëtarë.

Nuk dihet nëse kjo ka lidhje me procesin zgjedhor që po zhvillohet dhe me kuorumin që duhet arritur nga Lulzim Basha në këto zgjedhje. Megjithatë, ky eksod i papritur i demokratëve nga PD, duket mjaft i çuditshëm dhe ngre pikëpyetje të shumta./CNA.al