E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Gjithçka që duhet të dini për nismën e BE-së për “pasaportë COVID” për udhëtarët

25 Maj 2021, 16:10, Lifestyle CNA

Këshilli dhe Parlamenti Evropian pritet të formalizojnë dakordësinë e shprehur më parë në lidhje me vendosjen e një të ashtuquajture ?pasaportë COVID? për lëvizjet brenda unionit. Kjo nismë parashikohet t?i japë frymë sektorit të turizmit që është goditur rëndë gjatë periudhës së pandemisë.

Çfarë është e ashtuquajtura ?pasaportë COVID??

Rëndomtë është njohur si pasaportë, por në fakt bëhet fjalë për një certifikatë shëndetësore e cila do jetë në version elektronik (EU Digital COVID Certificate: EUDCC). Si fillim kjo certifikatë u quajt si ?Certifikata e Gjelbër?.

Certifikata përmban informacione personale për gjendjen shëndetësore në lidhje me COVID-19, nëse jeni prekur dhe riaftësuar prej infeksionit, nëse keni bërë analiza së fundmi dhe çfarë ka rezultuar prej tyre, si dhe nëse jeni vaksinuar.

Përmes kësaj certifikate do të lejohet udhëtimi në të 27 shtetet anëtare të BE-së ? shtete jo-anëtare të BE-së do të kenë gjithashtu qasje për certifikatën.

Kur mund të aplikohen ?pasaportat COVID??

Rregullat e reja, që pritet të miratohen brenda kësaj jave, do të hynë në fuqi prej 1 qershorit dhe do të kenë një periudhë tranzitore prej 6 javësh për të gjitha shtetet që do të kenë nevojë për më shumë kohë për t?u përgatitur.

Sidoqoftë Presidentja e Komisionit Evropian Ursula von der Leyen tha të enjten e shkuar se sistemi duhet të jetë gati në rrafshin e përgjithshëm si BE ?ditët e ardhshme?, duke nënkuptuar këtu se së shpejti vendet anëtare do të jenë gati të lëshojnë certifikatat elektronike.

Sa do të kushtojë ?pasaporta COVID??

Certifikata elektronike për COVID-19 do të jetë pa pagesë.

A do të jetë e sigurt?

Certifikatat do të kenë një nënshkrim elektronik që do të lëshohet nga spitalet, apo autoritetet shëndetësore. Secila certifikatë do të ketë nënshkrim unik që do të ruhet në një sistem të përgjithshëm që do të qaset nga vendet e unionit dhe nuk do të kërkojë verifikime shtesë.

Sa do të jetë vlefshmëria e certifikatës?

Vlefshmëria e certifikatës do t?u lihet për t?u përcaktuar nga vetë shtetet dhe autoritetet shëndetësore.

Do të jetë e përhershme kjo certifikatë?

Ky plan është vetëm për periudhën e pandemisë. Brukseli pret që pasi Organizata Botërore e Shëndetësisë të heqë gjendjen e pandemisë botërore të mos kërkohet më certifikatë shëndetësore për lëvizjet.

Cilat vaksina njihen nga shtetet e BE?

Të gjitha vaksinat e autorizuara nga Agjencia Evropiane e Mjekësisë (EMA) do të njihen për certifikatat elektronike të lëvizjes së lirë. Vaksinat e autorizuara deri më tani janë: Pfizer/BioNTech, Moderna, Oxford/AstraZeneca dhe Johnson&Johnson.

Në muajin maj EMA njoftoi nisjen e procedurave për shqyrtimin e vaksinave ruse ?Sputnik V? dhe ato kineze si ?Sinovac? apo ?CoronaVac? ? shtete anëtare si Hungaria kanë marrë sasi të shumta vaksinash kineze dhe ruse.

Për situatën në fjalë BE synon t?ua lërë të lirë vetë shteteve vendimmarjen për të njohur ose jo vaksinat e tjera në certifikatat për lëvizjet.

A do të lejohet udhëtimi për të pavaksinuarit?

Po. BE ka deklaruar që në fillim se certifikata nuk do të bëhet parakusht kryesor për udhëtimet në union, por një lehtësues duke mos cenuar të drejtën e qytetarëve për të lëvizur.

Komisioni Evropian ka njoftuar që në mars se qytetarëve do t?u mundësohet lëvizja përmes një testi negativ ose një informacioni rreth riaftësimit nga COVID-19, të cilat do të përfshihen në certifikatë.

Cilat teste COVID-19 njihen?

Autoritetet do të njohin testet e kryera në klinika si testet e acidit nukleik ? duke përfshirë testet PCR me tamponë ? dhe testet e shpejta të antigjenit./euronews