web counter
LEXO PA REKLAMA!

SHKARKO APP

App Store
Google Play

E fundit!

x

Mbyllen pavionet Covid në spitalet rajonale/ Manastirliu: Po vlerësojmë lehtësimin e masave

25 Maj 2021, 14:27, Lifestyle CNA

Ministrja e shëndetësisë Ogerta Manastirliu ka deklaruar nga spitali rajonal i Elbasanit mbylljen e pavioneve Covid për shkak të përmirësimit të situatës nga sëmundja. Sipas saj, pacientët të cilët do të triazhohen në spitalin e Elbasanit do ti drejtohen Tiranës. Manastirliu tha se janë drejt mbylljes edhe spitali rajonal i Durrësit dhe Shkodrës.

?Mbyllja e pavioneve në spitalet rajonale rikthen në një situatë normaliteti këto spitale dhe flasim këtu për Spitalin Rajonal të Elbasanit, i cili sot nuk ka më pacientë të shtruar. Rastet të cilat do të vijnë të triazhohen në spitalin e Elbasanit do të referohen në spitalin Covid1, në Tiranë. Ashtu sikurse janë në një proces të mbylljes edhe pavioni i infektivit në Spitalin Rajonal të Durrësit dhe ai në Spitalin Rajonal të Shkodrës. Këto ishin tre spitalet apo tre pavionet në tre spitalet rajonale që i?u përgjigjën skenarit të dytë?, deklaroi Manastirliu.

Ministrja Manastirliu shtoi se këto dy ditë do të vlerësohet lehtësimi i masave aktuale. Sipas saj, do të ecet me gradualitet përsa I përket masave të lehtësimit.

?Komiteti Teknik i Ekspertëve është duke vlerësuar në dinamikë situatën. Besojmë që brenda dy ditëve të ardhshme do të kemi një mbledhje të Komitetit Teknik të Ekspertëve, të cilët janë duke shqyrtuar masat. Po mendohet një rivlerësim në kuadër të lehtësimit, por do të jetë gjithmonë një rihapje e kontrolluar, graduale. Pra do të ecim me një gradualitet edhe përsa i përket lehtësimit të masave që aktualisht kemi të përcaktuara?, tha Manastirliu./ CNA.al





Lajmet e fundit nga