E fundit!

16:34 Aktualitet

Dosja "Toyota Yaris"/ GJKKO dërgon për gjykim me themel ish-oficeren e BKH

Gjykata e Posaçme ka dërguar në gjyq dy të pandehurit në d...

Nga Blerta Brati/ Pandemia e Covid-19 dhe shpërthimet e epidemive të tjera

25 Maj 2021, 14:15, Lifestyle CNA

“Pandemia Covid-19 dhe shpërthimet dhe epidemitë e tjera kanë nënvizuar rëndësinë e ndarjes së shpejtë të patogjenëve për të ndihmuar komunitetin shkencor global të vlerësojë rrezikun dhe të zhvillojë diagnostifikim, terapi dhe vaksina, “- deklaroi Drejtori i Përgjithshëm i OBSH Tedros Adhanom Ghebreyesus.

Organizata Botërore e Shëndetësisë (OBSH) të hënën, 24 maj, nënshkroi një marrëveshje me Zvicrën e cila i ofron agjencisë një laborator të sigurisë së lartë për të ruajtur patogjenë që mund të shkaktojnë pandemi, përfshirë virusin qe eshte origjina e Covid-19. Kjo depo globale do të vendoset në Laboratorin e Biosigurisë në Spiez, në qendër të vendit dhe synon të përmirësojë ndarjen e shpejtë dhe vullnetare të viruseve dhe organizmave të tjerë që shkaktojnë sëmundje midis laboratorëve dhe partnerëve në një shkallë globale.

Për momentin, shumica e patogjenëve shkëmbehen ne mynyre bilaterale midis vendeve dhe mbi një bazë ad hoc, gjë që mund të ngadalësojë procesin dhe të privojë disa vende nga ky material jetësor biologjik për të lehtësuar kërkimin. Sidomos në kohë pandemie, shkëmbimi i shpejtë dhe transparent i të dhënave epidemiologjike dhe klinike është i një rëndësie thelbësore.

Ky sistem global i OBSH-së, i quajtur BioHub, duhet të ofrojë një “mekanizëm të besueshëm dhe transparent” për të lehtësuar “përpunimin, karakterizimin, amplifikimin dhe ndarjen e mostrave me Shtetet Anëtare dhe partnerët”, sipas Drejtorit të Përgjithshëm të OBSH.

Në një fazë të parë, OBSH do të përdorë përgjigjen aktuale ndaj Covid-19 për të provuar rrugët operacionale të kësaj ndarjeje të materialit duke mbajtur llojet e SARS-CoV-2, virusit që shkakton Covid-19 dhe variantet e tij. Pas rezultateve të projektit pilot, sistemi BioHub do të jetë në gjendje të presë patogjenë të tjerë dhe nga viti 2022 do të lidhë partnerët e OBSH-së me depot e tjera dhe rrjetet laboratorike.