web counter
LEXO PA REKLAMA!

SHKARKO APP

App Store
Google Play

Vaksinimi masiv/ Erida Nelaj: Ja kush po merr dozat e Pfizer

25 Maj 2021, 11:58, Lifestyle CNA

Erida Nelaj, shefe e vaksinimit në ISHP tha për Euronews Albania se me ardhjen e 60 mijë dozave të reja të vaksinës kineze ?Sinovac? janë shpërndarë të gjitha sasitë për të plotësuar dozat e dyta në të gjithë vendin.

E pyetur lidhur me individët që po vaksinohen aktualisht me vaksinës ?Pfizer?, znj. Nelaj bëri me dije se po veprohet në bazë të një liste të përpiluar nga mjekët e familjes për individë me probleme të theksuara shëndetësore.

?Persona me dializë, që kanë kryer transplant të organeve, ndërkohë që janë përshirë edhe ata që janë me kimio, pasi ka studime që thonë se kjo është vaksina që mund të përdoret në këto raste. Me radhë do të fusim edhe kontingjent të tjerë. Në rastin e vaksinës ?Pfizer? nuk po shohim moshën, por sëmundjet që kanë, probleme imunitare janë listuar dhe po bëhen gradualisht?, tha znj. Nelaj.

Znj. Nelaj theksoi se paralelisht vijon në të gjithë vendin vaksinimi me dozat e para të ?Astrazeneca?, ?Pfizer? dhe ?Sputnic V?.

Ajo sqaroi se vonesa e krijuar me dozën e dytë të vaksinës kineze ishte brenda parashikimeve dhe nuk sjell asnjë problem për individin që ka bërë ndërkohë dozën e parë. Ndërkohë që sipas znj. Nelaj, e njëjta gjë mund të thuhet edhe për vaksinën ?Astrazeneca?, doza e dytë e të cilës do të aplikohet në muajin qershor, kur të mbërrijnë dozat e tjera në bazë të marrëveshjes me COVAX./CNA.al





Lajmet e fundit nga