web counter
LEXO PA REKLAMA!

SHKARKO APP

App Store
Google Play

Rritja e çmimeve/ Eksperti: Shqiptarët shpenzojnë 50% të të ardhurave vetëm për ushqim

20 Maj 2021, 18:03, Ekonomi CNA

Eksperti i ekonomisë, Azmi Stringa thotë se rritja e çmimeve për produktet e shportës do të rëndojë xhepat e konsumatorit shqiptar.

Kjo rritje tha z. Stringa ndikon shumë duke marrë parasysh që ?shqiptarët shpenzojnë rreth 50% të të ardhurave të tyre vetëm për ushqim dhe pije jo alkoolike?.

Ai tha se kjo tregon se jemi të varfër pasi vendet e Bashkimit Evropian e ka mesataren 12%.

Sipas z. Stringa është shumë e rëndësishme ndërlidhja mes fshatit dhe qytetit pasi një pensionist nëse nuk do të blinte produktet e tyre dhe do të shkonte në market, atëherë nuk do t?i mjaftonin të ardhurat për ushqim.

Frutat dhe perimet e stinës bëjnë që pensionistët të kenë mundësi që të përballojnë shpenzimet.

Eksperti duke iu referuar rritjes së pensionit në 10 vitet e fundit, tha se rritja ?është sa për të blerë një celular ose televizor?.

Z. Stringa e konsideron furnizimin me ushqim si ?një çështje me rëndësi kombëtare? dhe kërkon që të ketë ndërhyrje.

Në planin afatgjatë tha ai duhen të promovohen produktet vendase dhe të shikohet mundësia për të ulur konston e prodhimit.

Kurse në planin afatshkurtër tha se duhet ndaluar abuzimi i ndërmjetësve qoftë për prodhimin vendas por edhe për importin.

?Autoritet tona rregulluese që mbrojnë qytetarin vuajnë dobësi. Duhet angazhim serioz për t?i dhënë fuqinë që këto institucione meritojnë?, përfundoi z. Stringa./Euronews





Lajmet e fundit nga