web counter
LEXO PA REKLAMA!

SHKARKO APP

App Store
Google Play

E fundit!

x

CNA.al denoncoi Xhemail Pasmaçiun/ Ambasadorja amerikane "i tërheq veshin mediave": Duhet të jeni të guximshme

18 Maj 2021, 20:39, Aktualitet CNA

Ambasadorja e SHBA nnë Tiranë Yuri Kim ka reaguar ashpër ndaj mediave, teksa ka rikujtuar çështjen e Xhemail Pasmaçiut, trafikantit të drogës që njihet me emrin Ylli Ndroqi dhe që është pronar i Rtv Ora dhe Ora News.

Kim tha në emisionin ?Opinion? se media duhet të fliste më shumë rreth kësaj çështjeje, që është denoncuar me forcë nga CNA.al

?Verën e shkuar, u shpall një çështje e madhe, e cila përfshinte trafikun e drogës që ka një lidhje me median dhe biznesin. Ju nuk flisni për të dhe pastaj të gjithë pretendoni që nuk po ndodh asgjë. Ka prokurorë, ka mjekë, ka të tjerë që po hetohen. Tani, nëse më thua që askush nuk do ta besojë derisa politikani më i madh apo, kushdo tjetër, të jetë në burg, mendoj që po injoroni faktet dhe vazhdoni propagandën. Thjesht nuk është e vërtetë që nuk ka përparim. Në fakt, ka pasur përparim të jashtëzakonshëm. Pra, nuk mund të më thuash nga njëra anë që i pranon shifrat e mia, por nga ana tjetër nuk pranon të vërtetën për atë që po ju them?, theksoi Kim, ndërsa kërkoi që mediat të jenë më të guximshme për raportimin e fakteve.

?Pra, nëse do të isha si ju, do t?ju nxisja të kërkoni më shumë dhe të jeni më të guximshëm në raportimin e fakteve se kush nuk po hetohet dhe për çfarë. Mos pretendoni se nuk po ndodh asgjë sepse është shërbim i keq për popullin shqiptar?, nënvizoi ambasadorja, duke folur fort për një pronar mediash.

E vetmja media që ka folur e raportuar në atë kohë ka qenë CNA.al që ka sjellë me dokumenta e fakte por jemi sulmuar, akuzuar dhe intimiduar, pikerisht nga kolegë e media të paguara apo servilë te Pasmaçiut./ CNA.al





Lajmet e fundit nga