web counter
LEXO PA REKLAMA!

SHKARKO APP

App Store
Google Play

E fundit!

x

Procesi i vaksinimit/ Manastirliu: Sot mbërrijnë në vend 12.870 doza nga Pfizer

17 Maj 2021, 11:10, Politikë CNA

Ministrja e Shëndetësisë Ogerta Manastirliu ka inspektuar ditën e sotme procesin e vaksinimit në Qendrën e re Shëndetësore të Kavajës. Manastirliu u shpreh se kjo qendër është pjesë e 300 qendrave shëndetësore që janë rehabilituar deri më tani në të gjithë territorin e vendit.

Ministrja njoftoi se ditën e sotme, pritet që të mbërrijnë në Shqipëri, 12.870 doza të vaksinës Pfizer.

Ajo theksoi se procesi i rehabilitimit do të vijojë, derisa edhe në qendrat shëndetësore në zonat e thella, të kemi kushte të standardeve moderne.

?Kjo qendër është qendër model, ashtu sikurse janë 300 qendrat shëndetësore të ndërtuara deri më tani. Rehabilitimi i qendrave shëndetësore dhe ambulancave do të vijojë. Do të vijojmë derisa ambulanca më e fundit në zonat më të thella të ketë kushte bashkëkohore.

Nga ana tjetër ashtu sikurse në të gjithë vendin, edhe në Synej po vijon procesi i vaksinimit. Janë vaksinuar 670 qytetarë deri më tani. Procesi i vaksinimit po vijon me ritme të mira, presim doza të vaksinës Pfizer. Do të mbërrijnë sot në vend 12.870 doza të vaksinës Pfizer, që do të shpërndahen në të gjithë vendin?, u shpreh Manastirliu./ CNA.al





Lajmet e fundit nga