web counter
LEXO PA REKLAMA!

SHKARKO APP

App Store
Google Play

Ndryshimi i datës së zgjedhjeve/ Evi Kokalari “shuplakë” Bashës

17 Maj 2021, 07:45, Politikë CNA

Aktivistja Shqiptare në SHBA, Evi Kokalari në një postim në rrjetet sociale ka komentuar Mbledhjen e Këshillit Kombëtar të PD ku u vendos se zgjedhjet për kryetarin e ri do të zhvillohen në 13 Qershor. Sipas saj, Partia Demokratike ka nevojë për ndryshim dhe reformim ku është shprehur se nuk ka më interes të kthehet në Shqipëri për të kandiduar në PD.

Kokolari shtoi se Diaspora dhe individët që përfaqësojnë të djathtën në Shqipëri do të mblidhen duke krijuar partinë e tyre duke e dobësuar Partinë Demokratike. Në të kundërt sipas saj, duhet të lihet data 22 Korrik për zgjedhje.

?Lul Basha sot ndryshoj datën e zgjedhjeve për kryesinë e PD-së  nga 22 Korrik që është me statut, në 13 Qershor. Data për paraqitjen e kandidaturave është 24 Maj, pra as një javë nga sot.

Konfirmimi i këtij ndryshimi u votua dhe aprovua nga anëtarë të  cilët janë piketuar dhe zgjedhur nga Basha vetë. Kur kjo mbledhje përfundoj, e vetmja gjë që më vinte ndërmend qe “Byroja Politike & Plenumi” i radhës.

Dua haptazi të them që personalisht nuk kam asnjë interes të  kthehem në Shqipëri, as të kandidatoj për kryesinë e PD-së, (siç  pati frikë Basha), por di të them që PD-ja ka nevojë për ndryshim, reformim, dhe nëse Basha do ta mbaj peng, SUKSESE!

Diaspora dhe individ që përfaqësojnë të djathtën në Shqipëri, do mbledhin forcat, do krijojnë partinë e tyre duke dobësuar deri në shterim Partinë Demokratike.

Ndryshe, i sygjeroj Lulzim Bashës të lërë datën 22 Korrik për zgjedhje në mënyrë që Diaspora të dërgoj kandidatët e saj për këtë post?, ka shkruar Kokalari./ CNA.al





Lajmet e fundit nga