web counter
LEXO PA REKLAMA!

SHKARKO APP

App Store
Google Play

Basha justifikon humbjen me akuza për blerje votash/ Nishani: Ne dështuam

16 Maj 2021, 19:21, Politikë CNA

Kryetari i Këshillit Kombëtar Bujar Nishani ka kërkuar në mbledhjen e sotme dorëheqjen e parevokueshme të Lulzim Bashës nga drejtimi i PD-së, ndërsa ka analizuar edhe rezultatin e zgjedhjeve të 25 prillit.

Gjatë fjalës së tij, Nishani ka hedhur poshtë akuzat e Bashës për masakër elektorale, ku sipas tij kreu demokrat ka përgjegjësinë e vetë për disfatën në zgjedhjet parlamentare.

Ish presidenti deklaroi se për fat të keq, demokratët janë të dënuar edhe për katër vite të tjera në opozitë, duke i dhuruar PS pushtetin absolut.

?Sot për fatin e keq të secilit prej nesh, të cdo demokrati, për fatin e keq të vet Shqipërisë, ne nuk mundëm të fitojmë këtë betejë elektorale dhe kemi dalë pas 25 prillit pa asnjë ndryshim për Shqipërinë.

Sot Shqiperia ka mbetur e humbur, ka mbetur peng i të njëjtit regjim që do të vijojë të kontrollojë dhe vendosë fatet e këtij vendi edhe për 4 vitet e ardhëshme, pavarësisht skandaleve, dështimeve, korrupsionit e shkatërrimit te shtetit prej 8 viteve të shkuara.

Sot jemi thirrur nga Kryetari i Partisë për të analizuar masakrën elektorale.

Po, masakra elektorale që ka ndodhur është e vërtetë por kjo është vetëm gjysma e të vërtetës.

Eshtë gjysma e të vërtetës së hidhur që i atribuohet krimit elektoral shkaktuar nga pushteti zyrtar dhe shteti paralel ngritur po nga pushteti, por gjysma tjetër e të vërtetës, po aq të hidhur, është dështimi ynë për të fituar, cka përbën pjesën tonë të përgjegjësisë.

Sot jemi thirrur për të analizuar vetëm gjysmën e parë të së vërtetës.

Por gjysëm e vërteta nuk është kurrë e vërteta !

Gjithsesi, si gjysma e parë e të vërtetës ashtu dhe gjysma e dytë e saj, pra e tërë e vërteta nuk mundet të analizohet, gjykohet e konkludohet drejt, plotësisht dhe saktë nga ky institucion i nderuar dhe më i larti në hierarkinë e PD përpara se kjo situatë e sotme të analizohet e gjykohet nga baza e partisë, nga demokratët e terrenit, njerëzit e vijës së parë të betejës?, tha Nishani./CNA.al





Lajmet e fundit nga