web counter
LEXO PA REKLAMA!

SHKARKO APP

App Store
Google Play

“Është e turpshme”/ Ish-kreu i PD-së zbulon “recetën” e Bashës për të manipuluar zgjedhjet

17 Maj 2021, 09:51, Politikë CNA

Ish-kreu i degës së PD-së në Kukës, Ibsen Elezi ka komentuar sot vendimin e djeshëm të Këshillit Kombëtar të Partisë Demokratike, për të zhvilluar me 13 qershor zgjedhjet për kryetarin e ri.

Nga studio e Vizion Plus, Ibsen Elezi e ka cilësuar të turpshëm vendimin në fjalë, pasi sipas tij është absurde ngutja për të shkuar në zgjedhje, pasi sipas tij në vetëm 17 ditë është e pamundur as të takosh anëtarët e PD.

Po ashtu ai e cilësoi të turpshme dhe absurde edhe faktin që Lulzim Basha nuk jep dorëheqjen si kryetar, por garon për postin e kryetarit, ndërkohë që është ai që vijon të jetë në krye të PD-së.

?E kam ndjekur procesin e djeshëm dhe prisja gjëra absurde, e kanë si strategji. Por, nuk e mendoja deri në këtë pikë, që Lulzim Basha të mos hapë as një garë të ndershme. Nuk mund të jesh edhe kryetar edhe të garosh. Kjo është e turpshme. Dhe e dyta është ngutja e madhe, ne kemi kaq kohë që kërkojmë zgjedhje dhe lulzimsat thonë se kemi një proces tjetër, atë të mbledhjes së provave. Ne iu dhamë kohë që të rrisim besimin. Por tani thonë që do shklojmë në zgjedhje, dhe japin vetëm 17 ditë kohë. Për 17 ditë nuk mundesh as të flasësh me anëtarët e PD.?-tha Ibsen Elezi.

Për Elezin kjo është një tjetër formë ose sikurse e cilësoi ai ?recetë? manipulimi të zgjedhjeve.

?Kjo është një tjetër formë manipulimi. Nuk është e nevojshme të manipulosh votimin, mund të manipulosh edhe procesin. Këta kanë këtë filozofi. Si Edi Rama, si Erion Veliaj, si Lulzim Basha vijnë nga e njëjta shkollë, i njëjti formim. I kanë recetat e gatshme për të deformuar proceset demokratike?-deklaroi Ibsen Elezi.- CNA.al





Lajmet e fundit nga