web counter
LEXO PA REKLAMA!

SHKARKO APP

App Store
Google Play

E fundit!

x

Video-skandali/ Si Lulzim Basha vodhi votat e demokratëve

17 Maj 2021, 09:23, Politikë CNA

Prej vitit 2013, kur pas humbjes së zgjedhjeve të përgjithshme parlamentare, Sali Berisha dha dorëheqjen nga drejtimi i Partisë Demokratike, kjo forcë politike drejtohej nga Lulzim Basha.

Por, çfarë ka ndodhur pasi Lulzim Basha, zuri karrigen e kryetarit?

Për këtë do të duhej një analizë e gjatë, por në fakt ajo që ka ndodhur dhe është e qartë si drita e diellit për të gjithë shqiptarët, janë dështimet e njëpasnjëshme.

Lulzim Basha humbi në zgjedhjet lokale të 2015, humbi me një rezultat katastrofik në zgjedhjet parlamentare të 2017, ku me veprimet apo mosveprimet e tij i shkaktoi demokratëve 230 mijë vota më pak se katër vite më parë. Për të shkuar më tej, dogji mandatet në 2019, duke i lënë demokratët të papërfaqësuar në parlament, dhe dorëzoi në tavolinë 61 bashkitë, duke mos marrë pjesë në zgjedhjet e 30 qershorit 2019.

Dhe pas tetë vitesh në opozitë, dështon sërish në zgjedhjet e fundit parlamentare, ku edhe pse PD doli me një rritje të vogël, në krahasim me vitin 2017, sërish rezultati ishte i turpshëm.

Por, ajo çfarë ka ndodhur pas secilit dështim që ka shënuar Lulzim Basha, është edhe më e turpshme dhe më skandaloze. Kujtojmë këtu zgjedhjet e 2017, ku pasi gënjeu demokratët, i futi në çadër, bëri një marrëveshje në maj të vitit 2017 me Edi Ramën, u fut në zgjedhje dhe rezultati ishte katastrofal.

Dhe në vend që Lulzim Basha të mbante përgjegjësi, ashtu siç edhe ishte shprehur publikisht që ?lista është e imja dhe përgjegjësinë e mbaj unë?, në fakt nuk mbajti asnjë përgjegjësi. Shpalli një vetëngrirje të funksioneve dhe zhvilloi një proces farsë për zgjedhjen e kryetarit të PD-së. CNA.al edhe më parë ka sjellë me zë dhe figurë faktet e manipulimit të zgjedhjeve, në Korçë (lexo këtu) dhe në Vlorë. (lexo këtu). Ndërkohë, sot sjellim sërish të tjera fakte, që tregojnë sesi Lulzim Basha vodhi votat e demokratëve në vitin 2017, me qëllimin e vetëm që të vijojë të mbajë karrigen e kryetarit të PD-së.

Në videon e mëposhtme shikohet qartë sesi një anëtar, voton tre herë radhazi në të njëjtën qendër votimi.

Tre muaj në çadër për votën e lirë dhe më pas Lulzim Basha gënjen militantët dhe anëtarët e saj publikisht me deklarimin se kanë votuar 60 mijë demokratë, kur në fakt e vërteta është krejt ndryshe. (Lexo këtu)

Por, tashmë që Lulzim Basha pas dështimit të radhës, përdor sërish të njëjtin skenar, dhe shpall zgjedhjet për kryetar, pas një dështimi të radhës, e ku simbol sërish është Jemin Gjana, demokratët kanë cdo të drejtë të kërkojnë llogari para atij që e ka çuar PD-në në këtë situatë./ CNA.al

PROCESI-VIDEO/ Ja si u falsifikuan votat në Vlorë, monitorimi prej 11 orësh

Video-Ekskluzive/Skandali-Si u manipuluan votat në Korçë për Lulzim Bashën

PROCESI-VIDEO/ Ja si u falsifikuan votat në Vlorë, monitorimi prej 11 orësh





Lajmet e fundit nga