web counter
LEXO PA REKLAMA!

SHKARKO APP

App Store
Google Play

PD nis nesër turin në qytete/ Basha “lë në hije” aleatët?

10 Maj 2021, 20:11, Politikë CNA

Ditën e nesërme kryetari i Partisë Demokratike, Lulzim Basha do të nisë turin për të mbledhur fakte se zgjedhjet janë manipuluar.

CNA.al mësoi se nesër Basha do të shkojë në Lezhë në orën 17:00, për të filluar turin që do të vazhdojë edhe në qytetet tjera.

Por për këto protesta lokale, kreu i opozitës duket se nuk i ka lajmëruar aleatët e tij dhe as nuk i ka marrë mendim.

Në një prononcim për CNA.al, kreu i LZHK-së Dashamir Shehi tha se në dijeninë e tij nuk ka ndonjë vendim konkret për protesta, ndërsa theksoi se për të marrë një hap të tillë duhet pritur më parë rezultati i ankimimit në KAS.

?Do ta shikojmë, ky është një vendim që do të merret ashtu si vendimet tjera, pasi unë nuk di që të jetë mbajtur nga opozita apo nga PD ndonjë qëndrim. Protesta spontane nga njerëz që janë të pakënaqur mund të ketë për rezultatet lokale, por deri më sot nuk është marrë ndonjë vendim politik. Kur të merret do të na mbledhin besoj, do na pyesin, por unë besoj se asnjë vendim nuk do të merret pa dalë rezultati i ankimimeve se ne po i ankimojmë zgjedhjet?, nënvizoi Aleati i PD-së./ CNA.al

Humbi thellë në zgjedhje/ Basha nis turin e humbjes





Lajmet e fundit nga