web counter
LEXO PA REKLAMA!

SHKARKO APP

App Store
Google Play

E fundit!

x

Jemin Gjana sulmon Nishanin dhe Imamin/ "Nuk dua të kthehem te nëntogerët e ’91-shit"

10 Maj 2021, 18:26, Politikë CNA

Pas humbjes së zgjedhjeve të 25 prillit, shumë eksponentë të politikës dhe anëtarë të PD, kanë kërkuar dorëheqjen e kryetarit, Lulzim Basha.

Ndër ta përmendim ish-presidentin Bujar Nishani, Arben Imamin, Edith Harxhin, Arben Ristanin, Edvin Kullurin, Ibsen Elezin, Endira Bushatin, Bislim Ahmetajn dhe Indrit Hoxhën, të cilët janë pjesë e grupimit ?Për PD-në?.

Por ish-kryetari i Komisionit Zgjedhor në PD, Jemin Gjana, ka dalë kundër Nishanit apo Imamit dhe ka mbrojtur kryetarin e PD-së Lulzim Basha, duke thënë se nuk dëshiron të kthehet as te nëntogerët e ?91-shit, e as te gjeneralët e ?97-ës.

Në një intervistë për gazetën ?Panorama?, ai thumboi demokratët që kanë ngritur zërin kundër Lulzim Bashës, teksa tha se kur u vendos disa mikrofona në tavolinë e pandehin veten se po shkojnë te lideri.

?Që të jem i qartë, e gjitha është në dorën e demokratëve dhe jo në dorën e disa individëve brenda demokratëve. Ata kanë të drejtën e tyre, por nuk dëshiroj të kthehem as te nëntogerët e ?91-shit, as te gjeneralët e ?97-ës dhe as te disa individë që kur u vendos disa mikrofona në tavolinë e pandehin veten se po shkojnë te lideri. Jo, liderët në politikë nuk rriten në natyrë. Ata janë investim i madh politik. Ata marrin një staturë të gjatë. Duhet kohë që të shkojnë në nivelin e liderit.

Natyrisht, PD-ja ka për detyrë të shndërrojë strukturat e saj, grupet e punës së saj, me mbështetje të shumë faktorëve të shoqërisë civile që kanë ndjekur zgjedhjet për të kryer një funksion faktmbledhës të renditjes së fakteve. Të krijimit të një dosjeje të plotë të besueshme e të qartë për sistemin tonë të drejtësisë këtu dhe për ndërkombëtarët. Kjo është çështja e parë.

Së dyti, PD-ja duhet të shkojë në një analizë për të parë atë që ka ndodhur në fushatë gjatë fushatës, me programin e saj, në nivelin e strukturave, në lëvizjen politike të fundit të saj dhe masën peshën e ndikimit të secilit faktor. Pastaj për të shkuar hap pas hapi në një ristrukturuar të mëtejshëm të forcës tonë politike. Edhe më pas të një strukturimi edhe brenda kampit të së djathtës.

Të kthehemi pak para zgjedhjeve. Se tani duan ta nxjerrin si një mëkat të madh se përse s?u fut LSI-ja në listën e PD-së. Disa nga aleatët u futën, dikush i fitoi edhe dy emra. Pretendimet e tyre ishin më të mëdha. Por po të kishim edhe LSI-në, kandidatët e PD-së do të ishin të fundit e listave. PD-ja si forcë e gjithë grupimit opozitar duhet të bëjë këtë analizë të plotë. Të komunikojnë edhe me faktorin ndërkombëtar. Nuk besoj se është e palexueshme që dy javë para zgjedhjeve, përfaqësuesja më e rëndësishme e të gjithë grupimit euroatlantik bëri thirrje që të ndaheshin nga krimi dhe të votonin ndryshimin.

Paratë e krimit kanë zhvendosur edhe socialistët më të devotshëm. Të zhvendosësh me tri herë më shumë vota Pandeli Majkon. Të zhvendosësh kryetarin e PS-së së Tiranës, që përveçse është i majtë dhe ka një lidhje të hershme me PS-në, është edhe një dhëndër i të djathtëve të kryeqytetit. Por në fakt ai nja 4 herë më pak vota se ata që kanë marrë vota me para të krimit. Pasi t?i lexojmë të gjitha këto, atëherë shkojmë në zgjedhje në PD?, theksoi Gjana./ CNA.al





Lajmet e fundit nga