web counter
LEXO PA REKLAMA!

SHKARKO APP

App Store
Google Play

Ftesa e Ramës për Bashën/ Pëllumbi: Kërkojmë gjuhë bashkëpunimi me opozitën

10 Maj 2021, 13:59, Politikë CNA

Sekretari Organizativ i PS, Arben Pëllumbi ka komentuar vizionin e kryeministrit Edi Rama dhe PS në konceptin e qeverisjes së vendit.

I ftuar në MCN TV, Pëllumbi ka theksuar se ftesa për bashkëpunim e Ramës ndaj PD-së është e pastër dhe se propozimi për të pasur një gjuhë bashkëpunimi me opozitën është në të mirë të vendit.

?Në fakt nuk ka të bëjë me këtë gjë, sepse ka qenë një vizion i hershëm i kryeministrit Edi Rama dhe Partisë Socialiste para datës së zgjedhjeve që pas 25 prillit mënyra e konceptimit për të drejtuar vendin do të ishte krejt ndryshe. Ne propozojmë për këtë mandat për të pasur një gjuhë bashkëpunimi, konstruktive me opozitën në të mirë të vendit?, tha Sekretari Organizativ i PS, Arben Pëllumbi.

Pëllumbi ka folur gjithashtu edhe për shkarkimin e Presidentit Ilir Meta. I pyetur se çfarë do të ndodhte nëse Kushtetuesja nuk u jep të drejtë dhe do të humbisnin një tjetër betejë me presidentin, ai u shpreh:

?Një njeri kur zgjidhet ka një pozicion të caktuar. Kur e zgjodhëm Ilir Metën në atë kohë nuk i kishim 71 mandate dhe asokohe kishim nevojë për votat e LSI. Sot po flasim kur në atë pozicion Ilir Meta ka bërë shkelje të mëdha të Kushtetutës dhe për këtë ne do të mbajmë qëndrim. Do të bëhet e gjithë procedura parlamentare ku komisioni hetimor do të shohë nëse veprimet e Metës janë në shkelje dhe më pas parlamenti bën detyrën e vet ku ky material shkon në gjykatën kushtetuese e cila më pas do e shqyrtojë?./CNA.al





Lajmet e fundit nga