web counter
LEXO PA REKLAMA!

SHKARKO APP

App Store
Google Play

E fundit!

x

Shkrirja e LSI-së/ Kryemadhi ngushëllon veten dhe bashkëshortin

10 Maj 2021, 13:05, Politikë CNA

Lëvizja Socialiste për Integrim, e cila doli vetëm me katër mandate nga zgjedhjet e 25 Prillit, ka nisur serialin e ankesave.

Në disa qarqe si në Vlorë, LSI kërkon ripërsëritje të zgjedhjeve, duke ankimuar rezultatin në Komisionin Qendror të Zgjedhjeve.

Kryemadhi pretendon, se janë bërë shkelje dhe ndër të tjera fajëson edhe Komitetin Teknik të Ekspertëve, për ndalimin e emigrantëve nga Greqia dhe Maqedonia e Veriut.

Gjithashtu, Kryemadhi pretendon, se këta shtetas, po mos të detyroheshin të qëndronin në karantinë dy javë, do të vinin e të votonin për LSI-në.

Nuk dihet se si e ka përllogaritur këtë gjë Kryemadhi, kur në të gjithë Qarkun e Vlorë, nuk arriti të merrte asnjë mandat, ndërsa kanë votuar 106 664 qytetarë në të gjithë Qarkun.

Askush nuk mund të thotë se emigrantët që do të vinin do të votonin vetëm për LSI apo për iks parti.

Kjo  duket se është sa për të ngushëlluar veten nga dështimi.

Kujtojmë se LSI ka marrë në Qarkun e Vlorës 6 202 vota  ose, 6.08 %. Konkretisht në Bashkinë Vlorë, ka marrë 2 907 vota, në Bashkinë Delvinë 577 vota, në Bashkinë Finiq 183 vota, në Bashkinë Himarë 341 vota, në Bashkinë Konispol 233 vota, në Bashkinë Sarandë 1 480 vota dhe në  Bashkinë Selenicë 481 vota.

Këto kanë qenë rezultatet e LSI-së në Qarkun e Vlorës, qark në të cilin Ilir Meta, zhvendosi Presidencën në emër të LSI-së, si e si të merrte ndonjë mandat.

Presidenti Ilir Meta prej disa ditësh u stacionua në Vlorë, bëri fushatë atje dhe iu bëri thirrje vlonjatëve të votojnë për kandidatët e LSI-së, por pa përmendur emrin e Luan Ramës.

Por, pavarësisht të gjitha, LSI u ndëshkua në Vlorë dhe nuk mori asnjë mandat dhe sot Kryemadhi po tenton të ngushëllojë veten dhe bashkëshortin e saj “rebel” nga humbja, me të tilla ankesa në KQZ./CNA.al





Lajmet e fundit nga