web counter
LEXO PA REKLAMA!

SHKARKO APP

App Store
Google Play

“KAS kontrollohet nga PS”/ Bylykbashi: Masakra e 25 prillit e ngjashme me zgjedhjet e 2001

10 Maj 2021, 19:34, Politikë CNA

Partia Demokratike kërkon nga Komisioni i Ankimimeve dhe Sanksioneve në KQZ pavlefshmëri të rezultatit të zgjedhjeve të 25 prillit për 9 qarqe në vend.

Oerd Bylykbashi, deputet i zgjedhur i Partisë Demokratike thotë se në zgjedhjet e fundit parlamentare ka ndodhur ?masakër elektorale që ka krahasim me vetëm vitin 2001?.

Në zgjedhjet e 20 vite më parë, PS hynte në garë me Ilir Metën kryeministër dhe do të fitonte me 73 mandate, kurse PD e drejtuar nga Sali Berisha mori vetëm 46 mandate.

I pyetur nga gazetarja Ilva Tare se pse PD ka ankimuar rezultatin vetëm në qarqet ku ka humbur dhe në një kohë kur në pretendimet për 9 qarqet e tjera flitet për shkelje para dhe gjatë zgjedhjeve, z. Bylykbashi u justifikua duke thënë se ?kështu është i ndërtua procesi ankimor?.

Ai theksoi se PD do të faktojë shkeljet dhe në të tillë situate Kodi Zgjedhor parashikon shpallje të pavlefshmërisë së zgjedhjeve por nga ana tjetër paralajmëroi për vendim kundër të KAS dhe të Kolegjit Zgjedhor pasi sipas tij në këto dy organe kontrollon PS.

Sipas z. Bylykbashi PD do të faktojë shkeljet dhe do të presë vendim nga KAS dhe Kolegji Zgjedhor, por më me rëndësi është që qytetarët të mësojnë çfarë ka ndodhur.

?Pavlefshmëri nuk do të thotë u numëruan keq votat. Ne po faktojmë shkeljet masive deri në nivel brutal të procesit zgjedhor që kanë deformuar vullneti ne zgjedhjeve, jo numërimi i votave. Kodi Zgjedhor e njeh si pavlefshmëri që nga viti 2000. Kjo është e pavarur se çfarë do të vendosi KAS dhe Kolegji Zgjedhor që dominohen nga PS. KAS është organi bashkë me Kolegjin Zgjedhor që sanksionuan fletën e votimin e numër që ka prodhuar 83 mijë vota të pavlefshme?, deklaroi z. Bylykbashi.





Lajmet e fundit nga