E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Themeluesi i PD kërkon largimin e Bashës/ Kemi nevojë për një lider, është nevojë imediate

30 Prill 2021, 19:22, Politikë CNA

Një prej themeluesve të PD-së, Zenel Hoxha ka reaguar ashpër ndaj kryetarit të partisë, Lulzim Basha, duke thënë se të gjithë që e ndjejnë veten demokratë të reagojnë tani.

Ai thotë Basha nuk ka ndërgjegje refletimi dhe po mundohet që t?i shndërrojë gabimet e mëdha të vetes në fat të pandryshueshëm të Partisë Demokratike.

Sipas Hoxhës, i cili mori pjesë sot edhe në një ?protestë? para selisë blu, opozita nuk ka nevojë për rithemelim, por për largimin e individëve që nuk japin frymë të re dhe shpresë, përkundrazi.

Postimi i plotë i Zenel Hoxhës:

Të gjithë demokratët e vërtetë duhet të reagojnë tani.

Shqipëria e sotme e ka ves deformimin e demokracisë. Por ky është ves që mbetet në fuqi jo prej anëtarësisë së partive, por prej udhëheqësve që humbasin ndërgjegjen e reflektimit.

Kryetari aktual i Partisë Demokratike i ka tejkaluar provat e shembjes së plotë të ndërgjegjes së vet, e cila s?paska asgjë prej demokrati.

Zoti Basha po kërkon t?i shndërrojë gabimet madhore të vetvetes në fat të pandryshueshëm të Partisë Demokratike. Por, demokratët janë mësuar të rrëzojnë regjime dhe i refuzojnë uzurpimet. Koha ka mbaruar dhe orën e gjatë nuk e ka më në dorë kryetari punë-pa-kryer zoti Basha.

Partia Demokratike ka nevojë për lidership të ri. Është nevojë imediate. Nuk mund të jetë kurrësesi opozita e vendit në pritmëri që i japin funksionin e një paterice përballë kundërshtarit të shquar për vjedhje dhe shëmtime të shtetit dhe demokracisë.

Socialistët dhe kreun e tyre i ka demaskuar ndërgjegjia anti-institucion në këto dy mandate, por nuk i ka shembur dhe nuk i përzuri dot nga pushteti ndërgjegja e pafuqishme e Lulzim Bashës, kryetarit pa suksese.

Opozita nuk ka nevojë për rithemelim, por për largim të një njeriu dhe ardhjen e një fryme të mirëfilltë shpresëdhënëse për demokratët dhe për të gjithë shqiptarët. Kjo duhet bërë tani dhe jo kur të caktojë datën humbësi qe ka humbur masën dhe sensin e gjithçkaje.

Zenel Hoxha

Themelues i PD

Anëtar i Komisionit Nismëtar të PD

Kryetar i parë i Degës PD Tiranë

12.12.1990/CNA.al