web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet parlamentare/ Ervin Bushati: Ja arsyet përse PS-ja fitoi

27 Prill 2021, 14:26, Politikë CNA

Drejtuesi politik i Partisë Socialiste në Tiranë Ervin Bushati ka treguar arsyet përse PS-ja po fiton dhe sipas tij, qytetarët kanë treguar mbështetjen jo vetëm si parti, por për filozofinë e punës së përkushtimit  dhe dashamirësisë.

Bushati tha se populli ka dënuar shpeshherë dhunë, politikën e zhurmës, të acarimit.

?Ishte një pjesëmarrje shumë e qartë për qytetarët, kë do mbështesin dhe mendoj që mbështetja e Partisë Socialiste në mandatin e tretë, me rritje në votë popullore, tregon mbshtetjen e e qytetarëve jo vetëm si parti politike, por ndaj filozofisë së punës së përkushtimit dhe të dashamirësisë në të cilën mazhoranca ka trajtuar çdo problematikë  dhe çdo traumë të madhe shoqërore, dhe ka dënuar qartazi politiken e zhurmës, të acarimit, shpesh herë të dhunës dhe thjesht për të bërë arenë  politike, duke rrezikuar jetën e qytetarëve vetëm për të marrë një karrige,? u shpreh Bushati.

Në një intervistë për FaxNews Bushati fajësoji PD-në që sipas tij vonoi procesin e numërimit, duke parë që trendi ishte jo në favorin e tyre. Sipas tij, Basha po shtyn këtë kohë sepse nuk dëshiron të pranojë humbjen dhe të mos japë dorëheqjen.

?Tirana duhet të kishte mbaruar numërimin, nuk ka problem logjistike,  i ka të  gjitha  kapacitetet njerëzore  dhe infrastrukturore që të mbaronte, pra kemi vendosur njerëz të aftë, plot njerëz intelektualë.

Ky proces duhet të ishte mbyllur  tashmë por PD-ja, që në 10 kutitë e para e pa trendin dhe filloi të bënte skenarë lodhjeje. Kzaz38, erdhi me dy orë vonesë, e ndërpreu mbrëmë dhe ka mbetur 30 % pa numërim. E njëjta gjë është edhe me njësinë 5, i njëjti skenar bllokimi si më 2011. Kutitë e numërimit  duhet të kishin mbaruar për qarqe  të tëra dhe Tirana që kishte mundësitë dhe infrastrukturën dhe kapacitete zgjedhore , dhe të vazhdojmë ne me jetën, nuk shkon kjo që PD të pengojë procesin e votimit duke menduar se çfarë do bëjë në të ardhmen, kjo është  një  kohë që e blen Basha për mos të dhënë  dorëheqjen dhe mos pranojë humbjen dhe për këtë nuk ka faj populli.

KZAZ12 ka filluar numërimin, por shpresojmë ta mbarojmë shpejt dhe te mos lodhen prapë ata numëruesit e PD-së. Basha është rrahur anembanë Shqipërisë, por në njësinë tetë ka pasur rritje të PD  sepse ka angazhim që të fitojnë sepse është njësia me simpatizantët më të mëdhenj të PD-së?, përfundoi ai./CNA.al





Lajmet e fundit nga