web counter
LEXO PA REKLAMA!

SHKARKO APP

App Store
Google Play

Vrasja në Elbasan/ Ambasada e SHBA: Po monitorojmë situatën nga afër, krerët politikë të vetëpërmbahen

21 Prill 2021, 15:48, Aktualitet CNA

Ambasada amerrikane ka reaguar ashpër për atentatin e rëndë të ndodhur në Elbasan ku si pasojë mbeti i vrarë Pjerin Xhuvani dhe u plagosën katër të tjerë.

Përmes një postimi, ambasada i bën thirrje krerëve politikë që të ushtrojnë vetëpërmbajtje dhe të udhëheqin në mënyrë demokratike.

Gjithashtu, ambasada e SHBA ka kërkuar nga zyrtarët që të zbatojnë ligjimn për të zbardhur ngjarjen e plotë, të identifikojnë dhe dënojnë autorët.

Duke përsëritur apelin e Yuri Kim në datën 26 mars, ambasada ka kërkuar nga udhëheqësit të refuzojnë qartazi dhunën, ndërsa situatën do e monitorojnë nga afër.

“Kemi ndjekur raportimet për dhunën në Elbasan sot, e cila përfundoi në vdekjen e një personi dhe plagosjen e të tjerëve. Ne u bëjmë thirrje zyrtarëve të zbatimit të ligjit të hetojnë këtë incident sa më shpejt dhe në mënyrë të plotë, të identifikojnë autorët dhe t’i dënojnë me të gjithë forcën e ligjit. Ata që përfshihen në dhunë të tillë duhet të ndëshkohen.

Ambasadorja Kim i ka kërkuar Presidentit Meta, Kryeministrit Rama dhe Kryetarit të Partisë Demokratike Basha të ushtrojnë vetëpërmbajtje – dhe të udhëheqin në të njëjtën mënyrë – ndërsa çështja është duke u hetuar. Veprimet tona duhet të bazohen në fakte, jo në frikë apo thashetheme.

Kur vetëm disa ditë na ndajnë nga zgjedhjet e 25 prillit, ne përsërisim deklaratën tonë të 26 marsit duke bërë thirrje që udhëheqësit – ata që janë në pushtet dhe ata që kërkojnë pushtet – të refuzojnë qartazi dhunën. Ambasada Amerikane do të vazhdojë të monitorojë situatën nga afër”, thuhet në njoftim./CNA.al





Lajmet e fundit nga