E fundit!

22:44 Aktualitet

Eric Wendt një hap larg emërimit/ Komiteti i Senatit voton pro gjeneralit si ambasador i SHBA-së në Shqipëri

Komiteti për Marrëdhëniet me Jashtë i Senatit amerikan ka ...

Një përgjigje e detyruar Karlo Bolinos në lidhje me patronazhistët

20 Prill 2021, 14:06, Aktualitet CNA

Sot, gazeta ?Shqiptarja.com?, ka publikuar disa komente të gazetarit Elvi Fundo, i cili është edhe editor i CNA.al, në komente me një koleg tjetër, mbi një të vërtetë që partitë i kanë listat e zgjedhësve që i përdorin, me anë të një database me numra telefoni dhe me të dhëna se kush voton, kë.

Është abuzuar dhe është krijuar një frymë, sikur gazetari Elvi Fundo, i cili i përket publikisht mbështetjes ndaj së të djathtës, se i quajti të njëjta listat e patronazhistëve atë të Partisë Socialiste me atë të PD-së apo të LSI-së.

Gazetari sqaroi për CNA.al, se ?Nuk ka asnjë të përbashkët mes dy listave të patronazhistëve. Partia Demokratike, për sa kohë unë kam qenë pjesë e strukturave të saj nuk ka pasur patronazhistë, por, kanë qenë strukturat, anëtarët e sekssionit të PD, që mbulojnë qendrën përkatëse të votimit, të cilët merrnin listat e zgjedhësve apo database që ka pasur PD dhe i bënin një kontroll, apo i krihnin. Pra, cilët ishin votues të PS, rrugicën e ka këtu apo pallatin, duke bërë kështu një para sondazh elektoral për të ditur, kush dilte hapur me PD e kush me PS dhe ku shkonte vota e padeklaruar.

Pra, pjesa e votës gri deklarohej apo jo. Ka pasur me dhjetra raste, që këto lloj monitorimesh apo verifikimesh të listave të zgjedhësve që kanë qenë të sakta, por ka pasur edhe mjaft raste që ka pasur gabime.

Lista e zgjedhësve çekoheshin për shkak, sepse në to, në disa palë zgjedhje ishte abuzuar dhe manipuluar rezultati.

Merreshin banorët nga qendra e votimit iks dhe çoheshin tek qendra e votimit ypsilon, pra çoheshin votuesit nga një lagje në Korçë, në një lagje tjetër, për të mos votuar. Dhe këtë e kishte bërë shpesh Partia Socialiste, kur ishte Ilir Meta dhe Fatos Nano në pushtet. Sidomos në zgjedhjet e 2001, kur kryeministër ka qenë Ilir Meta.

Këto lista nga 2009, 2011, 2013 janë update, pra ka ndryshuar, ka më shumë të dhëna.

Por, të dhënat ishin numri ID, siç ka qenë, një numër telefoni , adresa e saktë e banimit, ndoshta dhe të tjera si është i punësuar në privat apo në shtet.

Por, kurrsesi nuk ka të dhënat e database që ka pasur sot PS. Nuk janë të njëjta janë krejtësisht ndryshe.

Në database e PS ka shënime të llojit, kur ka filluar punë ,kur punon sa koha ka. Janë update të dhënat në mënyrë të vazhdueshme, të cilat ngrenë të gjitha dyshimet se mund të jenë bërë, duke përdorur të dhëna zyrtare, duke i marrë nga institucionet e shtetit.

Kjo është e vërteta e asaj që kam deklaruar unë dhe që i kam shkruar kolegut tim Habjonit?.

Më tej gazetari Fundo ka deklaruar se i qëndron çdo thënie që PD ka pasur listat e saj.

?I qëndroj çdo thënie që edhe PD ka pasur listat e saj dhe LSI i ka, por, jo si kjo, ku abuzohet dhe të quhet sikur janë të njëjta.

Absolutisht nuk janë të njëjta dhe nuk kanë qenë kurrë të njëjta, sepse PD prej tetë vitesh është në Opozitë.

Ku mund ti gjejë këto të dhëna siç i ka patronazhimi i PS?

Problemi i tyre nuk është patronazhisti siç po quhet, pra një përgjegjës i PS , për hyrjen e pallatit apo lagjes përkatëse.

Problem është si ka mundësi që database i PS mban të dhëna, të cilat qytetarët i kanë deklaruar në struktura shtetërore tek E-Albania , në zyrat e patentave dhe në të tjera zyra të institucioneve qeveritare.

Nuk ka asgjë të keqe që të ketë një patronazhist PS një patronazhist PD, i cili raporton në databasen e partisë, se kush voton për kë, është e gjitha normale. Kjo ndodh në të gjithë botën, ndodh në Angli, ndodh në Amerikë, ndodh kudo.

Por, problem në këtë rast është si ka mundësi që patronazhisti i lagjes duke shfrytëzuar aksesin e të dhënave, di çfarë makine kam unë, çfarë targe kam, ku e kam blerë, cilin biznes kam, cili biznes ka komshiu im, ku punon gruaja e komshiut, kë ka të dashur motra e komshiut, kush e futi në shtet të dashurën e filanit apo kush hoqi, kë nga puna.

Këto janë të dhëna që kompromentojnë procesin. Nuk e kompromenton aspak emri i një patronazhisti se e ka emrin Elvi apo Karlo e ka Ilir apo Edi.

Kjo nuk është problem për askënd, çdo parti ka të drejtën e saj, të marrë listat, t?i copëtojë, le t?ia japë çdo mbështetësi të saj, për ta krehur zonën, për të ditur sa më qartë, kush do të votojë dhe kë do të votojë, për të pasur një rezultat paraprak në ditën e zgjedhjeve.

Ky është thelbi i gjithçkaje nuk ka lidhje me listat e PD nuk ka qenë kurrë siç pretendohet sot në media, duke abuzuar me deklaratën time?, është shprehur më tej Fundo./CNA.al