web counter
LEXO PA REKLAMA!

SHKARKO APP

App Store
Google Play

E fundit!

x

7 mijë dollarë për lindjen e djalit në SHBA/ Llalla kërkon dëshminë e mikut që pagoi shpenzimet

20 Prill 2021, 09:40, Aktualitet CNA

Ditën e sotme është shtyrë seanca në gjykatë për ish-kryeprokurorin Adriatik Llalla.

Shkak i shtyrjes së seancës është bërë fakti se duhen njoftuar dëshmitarët e Prokurorisë, që seanca për Llallën kalon në fazën e pyetjes së dëshmitarëve.

Bashkëshortja e ish kryeprokurorit Adriatik Llalla lindi djalin e saj në SHBA në 31 dhjetor 2017, pikërisht në ditën kur atij ju refuzua viza nga ambasada amerikane në Tiranë.

Shpenzimet për këtë lindje u paguan nga miq të tij të cilët vendosën tja bëjnë dhuratë faturën prej 7 mijë dollarësh, shkruan CNA.al

Adriatik Llalla kërkon marrjen e provave të reja, akt-ekspertime dhe pyetjen e dëshmitarëve të tij nga GJKKO. Në një seancë e cila ka nisur rreth orës 9:00 ish kryeprokurori është paraqitur i vetëm pa prezencën e mbrojtësit ligjor.

Seanca zgjati rreth një ore, ku i pandehuri Adriatik Llalla ka paraqitur kërkesën për marrjen e provave me të cilat do të mbrohet gjatë këtij gjykimi. Kërkesa për administrim provash ka bërë dhe prokurori i çështjes. Gjykata u tërhoq për vendim dhe pranoi të futë në fashikujt e dosjes prova të palëve. Procesi ligjor ndaj Llallës do të vijojë më datë 22 prill me pyetjen e dëshmitarëve./CNA.al





Lajmet e fundit nga