web counter
LEXO PA REKLAMA!

SHKARKO APP

App Store
Google Play

E fundit!

x

Hap dyert "Spitali Rajonal Memorial Fier"/ Erdogan: Shenjë miqësie mes vendeve tona

21 Prill 2021, 13:59, Aktualitet CNA

Presidenti i Turqisë, Erdogan ka mbajtur një fjalim të shkurtër për përurimin e spitalit Rajonal Memorial të Fierit. Edhe pse nuk ishte fizikisht i pranishëm në Fier, Erdogan u shpreh se, ky është një tregues dhe një shenjë e re miqësie mes vendeve tona.

Erdogan në video-mesazhin e tij ka theksuar se, marrëdhëniet dhe raportet Turqi-Shqipëri janë shumë të mira dhe kanë bërë të mundur përforcimin e marrëdhënieve mes vendeve.

“Jam shumë i lumtur që takohemi me ju së bashku, ju përgëzoj dhe për muajin e Ramazanit dhe shpresoj që ky muaj të sjell bereqet. Marrëdhëniet dhe raportet Turqi-Shqipëri janë shumë të mira, ne kemi bërë të mundur përforcimin e marrëdhënieve mes 2 vendeve tona, besoj fort se ne do të thellojmë më tepër bashkëpunimin. Turqia në mbi 30 vite, ka vazhduar të ofrojë një kontribut të rëndësishëm, pas tërmeteve dhe përgjatë pandemisë së COVID, pa asnjëlloj interesi u përpoqëm që të ishim pranë jush. Uroj që ky spital i miqësisë duke qenë një shenje e re për miqësinë mes vendeve tona dëshiroj që në gjeografinë e zemrës sonë të shpërndajë shërim për vëllezërit e mi shqiptar, ngushëllime për ato familje që kanë humbur jetën nga COVID dhe uroj shërbim të shpejt për ata që janë të infektuar. Një falenderim të veçantë dua edhe për kompaninë kontraktuese“, u shpreh Erdogan./ CNA.al





Lajmet e fundit nga