E fundit!

07:30 Horoskopi

Horoskopi i ditës, e mërkurë 15 korrik 2026

Dashi Ruani qetësinë në marrëdhënie dhe shmangni reagimet...

Nga shit-blerja e votës tek deklaratat e forta të Metës/ Ish deputetja: Nuk ka vend për panik

20 Prill 2021, 13:58, Politikë CNA

Kandidatja për deputete e PD për Vlorën, Nada Meçorapaj, ka dënuar ashpër shit-blerjen e votës. Meçorapaj është shprehur se, kategorikisht asnjë përfaqësues i Partisë Demokratike, nuk e mbështet këtë fenomen.

Në një prononcim për CNA.al, ajo e konsideron 25 Prillin si mision sepse vendoset kthesa historike e vendit. Kandidatja e quan kryeministrin Edi Rama si diktator dhe shqiptarët do të reagojnë ndaj tij me votë.

?Si përfaqësuese, kandidate në listën për deputet të Qarkut të Vlorës, dënoj ashpër shit-blerjen e votës! Në asnjë rast dhe kategorikisht asnjë përfaqësues i Partisë Demokratike nuk ka mbështetur dhe nuk e mbështet këtë fenomen! Vota e qytetarëve shqiptarë është e shenjtë, 25 Prilli është mision për shqiptarët sepse vendoset kthesa historike e vendit! Sot qeveris një kryeministër diktator, prandaj shqiptarët do të reagojnë kundër këtij sekti me votë! Ne jemi të gatshëm të mbrojmë votën e qytetarëve, jemi në terren, jemi me njerëzit, pikërisht për të parandaluar rastet e shitblerjes së votës!?, shprehet Meçorapaj.

Ndërkaq, Meçorapaj është shprehur se, nuk ka vend për panik pas deklaratve të presidentit Meta. Ish deputetja thekson se, Meta ka tagrin dhe gjithë kompetencat për të reaguar mbi situatën para zgjedhore në vend.

?Realisht Partia Demokratike ka zgjedhur të zhvillojë një fushatë të qetë, një fushatë qytetare, bazuar në programin e Partisë Demokratike, punën e degëve të PD të qarkut të Vlorës, drejtuesit politik z. Bujar Leskaj, kandidatëve për deputet si dhe kontributin e çdo demokrati! Situata është e qetë, pavarësisht se disa drejtues drejtorish në qytetin e Vlorës ( për të cilët PD dega Vlorë ka reaguar) kanë abuzuar me detyrën, ka raste të emërimeve të paligjshme në vende pune elektorale siç janë OSHE, Ujësjellës presioni mbi administratën është shumë i dukshëm, etj! Partia Demokratike do të mbroj çdo votë! Në lidhje me deklaratat e zotit Meta, sigurisht ai ka tagrin dhe gjithë kompetencat për të reaguar mbi situatën para zgjedhore në vend, por unë mendoj se nuk ka vend për panik! Njerëzit duhet të votojnë, duhet të reagojnë duke zgjedhur ate forcë politike që ngjall besim, duke votuar ndryshimin, duke votuar integrimin e vendit në BE?, shprehet Nada Meçorapaj./ CNA.al