"Sistem i ri elektoral"/ Nardi Olli zbardh propozimet e Bindjes Demokratike

20 Prill 2021, 12:24, Politikë CNA

Koordinator i Bindjes Demokratike në Korçë Nardi Olli në një postim në rrjetet sociale është shprehur se propozon hapjen e listës, si mënyra e vetme që u jep shqiptarëve të drejtën e zgjedhjes dhe jo thjesht atë të votimit.

?Për të sjellë në ?shinat e parimeve bazë të demokracisë? hapjen reale të listës, si mënyra e vetme që u jep shqiptarëve të drejtën e zgjedhjes dhe jo thjesht atë të votimit! Depolitizimin e zgjedhjeve dhe administratës zgjedhore, sipas rekomandimeve të OSBE-ODIHR-it, dhe jo sipas marrëveshjeve politike, të cilat mund të jenë edhe pazare të momentit. Është e padrejtë që përfaqësuesit e 3 apo 4 partive të numërojnë votat e gjithë të tjerave.?, shkruan Olli.

Postimi i plotë:

Shëmtia e një sistemi të kapur zgjedhor, si një ndër kolonat kryesore të demokracisë së një vendi, nuk ndryshon me arnime e qepje për interesa të pashallarëve, por me vullnet dhe vizion të qartë! Për këtë Bindja Demokratike propozon:

Një sistem të ri ekektoral,

-Për të sjellë në ?shinat e parimeve bazë të demokracisë? hapjen reale të listës, si mënyra e vetme që u jep shqiptarëve të drejtën e zgjedhjes dhe jo thjesht atë të votimit! Depolitizimin e zgjedhjeve dhe administratës zgjedhore, sipas rekomandimeve të OSBE-ODIHR-it, dhe jo sipas marrëveshjeve politike, të cilat mund të jenë edhe pazare të momentit. Është e padrejtë që përfaqësuesit e 3 apo 4 partive të numërojnë votat e gjithë të tjerave. Në disa procese radhazi është provuar qartë se ata i copëtojnë votat e më të vegjëlve, të cilat i ndajnë midis tyre, mjafton që të mos prishen rreshtimet e koalicioneve. Kjo armatë e kompromentuar komisionerësh dhe numëruesish janë shndërruar në një gangrenë edhe për vetë partitë që përfaqësojnë, pasi ka rrënuar totalisht besimin e publikut te zgjedhjet e lira. Mos harroni maratonën neveritëse të procesve të numërimit për ditë me radhë, në kushte skandaloze që fyen qenien njerëzore si koncept filozofik e konkret.

Koha të fitojmë realisht të drejtën kushtetuese për tu përfaqësuar nga njerëzit më të mirë dhe jo listat hermetike të kryetarëve që imponojnë frikshëm egon e tyre vetëm për pushtet!/CNA.al