web counter
LEXO PA REKLAMA!

SHKARKO APP

App Store
Google Play

Metës “nuk i mbajnë më nervat”/ Mos e detyroni popullin të arrestojë të paudhët

20 Prill 2021, 12:57, Politikë CNA

Presidenti Ilir Meta ka reaguar lidhur me audio-përgjimin që publikoi gazetari Artan Hoxha në të cilin dëgjohet sesi kreu i Agjencisë Shtetërore të Kadastrës Artan Lame u jep udhëzime punonjësve për të vepruar në shërbim të fushatës zgjedhore.

Përmes një postimi në rrjetet sociale, meta thekson se kjo audio provon se për Rilindjen shqiptarët janë “mish për top”

Mes të tjerash Meta nënvizon se pret nga Drejtësia të zgjohet dhe të nisë menjëherë hetimet për këtë skandal

?Një audio-përgjim tronditës, që provon se për “Rilindjen” shqiptarët janë “mish për top”, ndërsa zyrat e shtetit, që paguhen me taksat tona, janë kthyer në strofulla të fuksave, banditëve, të korruptuarve, shkelësve të ligjit dhe “taksidarëve” të biznesit kriminal të votës. Pres nga Drejtësia të zgjohet dhe të nisë menjëherë hetimet për këtë skandal të rëndë, që meriton ndëshkim. I bëj thirrje Policisë së Shtetit, të bëjë kujdes dhe të ndalë përpjekjet për manipulimin e provave të flagrancës të krimit zgjedhor.
Mos e detyroni popullin të arrestojë të paudhët?, shkruan Meta./CNA.al





Lajmet e fundit nga