web counter
LEXO PA REKLAMA!

SHKARKO APP

App Store
Google Play

E fundit!

x

Duka apel qytetarëve/ Zgjedhjet do sjellin ndryshimin, votoni kundër arrogancës dhe babëzisë së pushtetit

18 Prill 2021, 08:22, Politikë CNA

Kreu i Partisë Agrare Ambientaliste Agron Duka u ka bërë thirrje qytetarëve që në 25 prill të dalin dhe të votojnë pro ekonomisë së gjelbër, mision kryesor ky i partisë që ai drejton.

Përmes një postimi, Duka shprehet se këto zgjedhje do të jenë zgjidhja më e mirë për sfidat jetike të vendit, duke shtuar se qeveria e gjobave dhe e babëzisë ka shtypur për tetë vite me rradhë qytetarët e thjeshtë.

Reagimi i plotë i Dukës:

Sot apeloj çdo votues të majtë apo të djathtë, në zonat urbane, rurale dhe në emigracion ti bashkohen ndryshimit duke mbështetur PAA në misionin e saj pro ekonomisë së Gjelbër.

Votoni koalicionin “Aleanca për Ndryshim”!

Votoni Agron Dukën në Durrës!

Votoni Arben Tafaj në Tiranë!

Votoni Eduard Sharka në Lushnjë!

Këto Zgjedhje duhet të jenë Zgjidhja për sfidat jetike të vendit.

Braktisja e vendit nuk ndalet me fasada mitingjesh me rreshta të vizatuara dhe të kontrolluara për fotografi me  dronë për të fshehur varfërinë dhe babëzinë, por me dashuri dhe përkushtim për të ulur papunësinë, varfërinë dhe pabarazinë.

PAA mbështet zhvillimin e qëndrueshëm rural, mbështet standartet europiane të ambientit, mbështet sigurinë ushqimore dhe rritjen e kohezionit dhe solidaritetit social.

E ardhmja e gjelbër është alternativa e të ardhmes konkuruese të Shqipërisë.

Votoni shpresën!

Dënoni me votë hajdutët arrogantë dhe të babëziturit!

Mos u besoni “qengjave të përlotur” që kërkojnë vota.

Për 8 vite ju shtypën me arrogancën e gjobave dhe babëzinë e tyre. Mos harroni – ata kanë ndërruar “qimen elektorale” por jo “zakonin qeverisës prej ujku” me të cilin ju vodhën, ju varfëruan dhe ju cënuan dinjitetin njerëzor. Ata i shërbejnë çdo sekondë vetëm oligarkisë dhe  punojnë kundër Shqipërisë, e cila po braktiset dhe varfërohet përditë dhe më shumë!

Mirënjohje për mbështetjen tuaj për ndryshimin e madh!/CNA.al





Lajmet e fundit nga