E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Kandidati nxjerr zbuluar Metën/ Është kryetari i LSI, e ka dërguar zoti të na shpëtojë

18 Prill 2021, 09:06, Politikë CNA

Gjatë fushatave elekotrale, kanë rënë në sy deklarata të ndryshme të kandidatëve për deputetë, por në qendër të vëmendjes kanë qenë perlat që kanë nxjerrë nga goja e tyre kandidatët e Monika Kryemadhit dhe Ilir Metës.

Pas kandidatit për Tiranën Lemi Muçaj i cili pretendonte se ishte i dërguari i zotit, në skenë doli një tjetër figurë.

Dhimitraq Lapa është i treti në listën e LSI për qarkun e Vlorës dhe që mbulon Sarandën ka habitur me deklaratën e tij, ku në një takim elektoral ai shprehet se zoti e ka dërguar Ilir Metën si njeriun e duhur për të zgjidhur hallet dhe problemet e shqiptarëve. A thua se halli i shqiptarëve janë postet e partite që ndërron Lapa.

?Sot ka tetë vjet që shqiptarët i janë drejtuar zotit dhe po i thonë: Zot çna ke bërë, kë na ke sjellë në krye, çfarë po na bëhet neve? Dhe zoti iu drejtua përsëri shqiptarëve dhe po iu thotë: Ju kam dhënë Ilir Metën ju kam dhënë LSI, bashkoheni me Iir Metën, bashkohuni me LSI për të shpëtuar Shqipërinë?, shprehet kandidati.

Lapa ka qenë ish kreu i PD në Sarandë, por iu bashkua LSI pas postit të rëndësishëm që mori nga kjo parti, atë të drejtorit të spitalit. Partia e Metës gjatë viteve që ka qenë në qeveri, një mandat me Sali Berishën dhe një mandat me Edi Ramën ka joshur elektoratin e vet me pozicione pune.

Lapa ka qenë kandidat me demokristianët dikur, ka ndërruar minimalisht shtatë parti e flet për Ilir Metën si të jetë kamikazi i tij dhe jo kandidat për deputet i LSI.

Por një gjë nuk arrihet të kuptohet, pse duhet një kandidat partie të përmendë emrin e presidentit në një miting elektoral? Kush është arsyeja?

Lapa nxorri zbuluar Metën, duke injoruar totalisht Kryemadhin dhe se nuk e njeh këtë të fundit si kryetare të LSI. Në asnjë fjalë të tijën, kandidati i LSI nuk tha që betejën kundër qeverisë do e mposhtim të bashkuar me Monika Kryemadhin.

Por ditët e fundit ka plasur debati për luftën që ka nisur Meta në Vlorë kundër Luan Ramës, duke e nxjerrë këtë të fundit nga loja. Vetë kreu i LSI de facto ka nisur takimet natën me persona të dyshimtë dhe kërkon që me çdo ngulm të arrijë të marrë një mandat për partinë e tij në këtë qark.

Monika ka mbajtur anën e Luanit sepse në fakt ka mbajtur anën e LSI e ka shkuar në Vlorë të shuajë zërat për përçarje dhe spostim të Luan Ramës./CNA.al