E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Avioni i parë në Aeroportin e Kukësit/ Balluku zbulon mesazhin që i dërgoi Ramës 4 vite më parë

18 Prill 2021, 14:13, Politikë CNA

Avioni i Air Albania është ulur sot për herë të parë në aeroportin ?Zayed? të Kukësit.

Ministrja Belinda Balluku në fjalën e saj tha se ishte dhe vetë skeptike që do të përfundonte në kohë.

Sa i përket faktit që avioni nga Londra u ul fillimisht në Aeroportin ?Nënë Tereza? në Rinas dhe më pas udhëtoi drej Kukësit, ajo tha se kjo ka të bëjë me rregullat ndërkombtare.

?Ka qenë një punë intensive. Nuk ka një aeroport në botë që të bëhet më shpejt se kaq.

Të gjithë ata që kanë kontribur në këtë vepër kaq të rëndësishme, një grup njerëzish që kanë punuar ditë e natë.

Në 2018, Rama nxorri një twitter ku thoshte se Kukësi do ketë një aeroport ndërkombëtar. Menjëherë i kam nisur një mesazh. I shkrova se ishte shumë i vështirë për t?u naviguar. Ai më tha që do e bëni, sepse e di që do e bëni, prandaj nisni nga puna.

Për të thënë të drejtën edhe unë kam pasur dyshimet e mia që do bëhej kaq shpejt, por ja kemi dalë. Edi Rama di ti bëjë punët, mban fjalën dhe i bën në kohë rekord.

Dua të theksoj disa dyshime. Të gjithë ata që do na tregojnë nëse avioni u ul përpara në Tiranë, apo u nis nga Tirana, ka rregulla ndërkombëtare, dhe ne i respektojmë, këta rregulla.

Duke nisur nga sot në këtë aeroport do të nisin të gjitha testet me kompanitë ajrore. Do të nisin nga puna për të lidhur kontrata, për të naviguar procedurat dhe për ta bërë këtë aeroport sa më tërheqës për të gjithë zonën. Kukësi do të kthehet në një pikë të re zhvillimi në Shqipëri. Dhe kjo do të bëhet sipas rregullave dhe ligjeve në fuqi në datë 17 qershor aeroporti i Kukësit do të jetë totalisht i përdorshëm nga të gjitha kompanitë.

Ky është një aeroport operacional dhe nga ky moment i lihet në dorë koncesionarit që do të lidhë marrëveshje me kompanitë ajrore që nuk janë të paka. Që këtu do të fluturohet drejt Zvicrës, do të jetë gjeneza e një historie të re.? tha ajo./CNA.al