web counter
LEXO PA REKLAMA!

SHKARKO APP

App Store
Google Play

E fundit!

x

“Këtë do e kem mandatin e fundit”/ Paulin Sterkaj tregon objektivin e PS-së në Shkodër

18 Prill 2021, 12:49, Politikë CNA

Si Partia Socialiste ashtu edhe Partia Demokratike shprehin bindjen e plotë se në zgjedhjet e 25 prillit do të fitojnë me një rezultat të kënaqshëm.

Kandidati i dytë për deputet në qarkun e Shkodrës Paulin Sterkaj  në një reagim për CNA.al u shpreh se fushata elektorale ka ecur mjaft mirë dhe pritja nga qytetarët ka qenë e madhe.

Sipas tij, mazhoranca aktuale synon që të marrë 4-5 mandate në këtë qark, duke përmbysur rezultatin e arritur deri tani.

?Nga takimet që kam bërë deri tani unë mendoj se do të kemi një rezultat pozitiv. Ne synojmë të marrim maksimalen e mandateve. Ne kemi objektiva dhe objektivi ynë është të marrim nga 4-5 deputetë.

Do jem më i votueshëm se çfarë kam qenë për shkak se është edhe mandati i fundit dhe më është dhënë mundësia të lyp votën për PS?, tha Sterkaj për CNA.al.

Më tej kandidati i PS theksoi se gëzon një mbështetje të madhe nga komuniteti dhe u shpreh besimplotë se do të marrë një mandat tjetër, duke shtuar se do të jetë edhe i fundit pasi përkon me moshën e daljes në pension.

?Alternativë kanë qeverinë që kanë bërë shumë për Shkodrën. Çdo qark që kam përfaqësuar në Malësi të Madhe kam qenë një me ta dhe me problemet e tyre. Unë kam bërë shumë dhe do të bëj edhe më shumë për vitet e ardhshme sepse e kam edhe mandatin e fundit, se përkon edhe mosha për pension. Ne do të bëjmë shumë për Shkodrën dhe unë nuk kam dështuar asnjëherë në marrëdhëniet me publikun.

Deri tani nuk ka pasur probleme sa i takon shit blerjes së votave, por ccdo kush që e bën një gjë të tillë do përballet me ligjin?, u shpreh Sterkaj./CNA.al





Lajmet e fundit nga