E fundit!

07:34 Kosova & Bota

Dy tërmete të frikshme goditën vendin/ Trump: SHBA-ja është gati të ndihmojë Venezuelën

Presidenti i Shteteve të Bashkuara, Donald Trump, deklaroi...

“Opozita do marrë tetë mandate”/ Nard Ndoka tregon çfarë ndodh në Shkodër pas orës policore

18 Prill 2021, 14:07, Politikë CNA

Kreu i Partisë Demokristiane Nard Ndoka, i cili renditet i teti në qarkun e Shkodrës ka folur për fushatën elektorale dhe takimet që ka zhvilluar me banorët e zonës.

Në një intervistë për CNA.al, Ndoka dekkaroi se fushata elektorale ka qenë e qetë dhe kontaktet e tij me banorët e zonës kanë qenë të shumta.

Ndoka theksoi se qytetarët kanë mirëpritur edhe vendimin e opozitës për bojkot të mandateve parlamentare.

?Fushata ka qenë e qetë. Kemi pasur kontakte të vazhdueshme dhe programi i opozitës është pritur mjaft mirë. Ka frymë besimi në rritje nga opozita, besoj që mbështetja është maksimale edhe për faktin që qytetarët e kanë mirëpritur pozitivisht edhe lënien e mandave pas protestave popullore?, tha Ndoka.

Aleati i Bashës shtoi më tej për CNA.al se shit-blerja e votës është një problem serioz dhe mjaft i përhapur që ka sjellë shkatërrimin e sistemit të demokracisë.

?Pa diskutim që problemi i shitblerjes së votave mbetet problemi më shqetësues, sidomos nga eksponentë të veçantë apo forca politike që operojnë gjithandej. Por ka pasur refuzime nga qytetarët për tu bërë pjesë e kësaj afere. Unë si kryetari i Partisë Demokristiane kam vënë re që në Shkodër ky fenomen është më i përhapur se në qarqet e tjera. Është një fenomen shqetësues që ka prishur balancat, harmoninë dhe sjell një përshtjellim të madh tek qytetarët?, u shpreh ai.

Ndoka deklaroi se opozita e bashkuar ka synimin që në Shkodër të marr tetë mandate, duke qenë se është edhe bastion i së djathtës.

?Padiskutim që opozita pret një mandat maksimal. Shkodra është një bastion i djathtë por edhe pritet një lloj ndëshkimi nga pjesa e një elektorati të civilizuar që ka rënë pre e trysnisë që ushtron administrata lokale. Kjo do të jetë një rezultat surprizë për opozitën.

Opozita e bashkuar mund të shkojë edhe në tetë mandate?, tha Ndoka për CNA.al.

Kreu i PDK u shpreh se ka pasur një sërë presionesh nga administrata për votën, duke nxjerrë punonjësit me zorr për të votuar.

?Ka presione nga të gjitha drejtoritë. Ato janë kthyer në shërbim të fushatës, të kandidatëve të PS në të gjithë qarkun duke përdorur edhe policinë. Policia ka qenë inaktive, që ndonëse ka informacione që ka lëvizje pas orarit të lejuar eksponentë të PS lëvizin për blerjen e votës dhe asnjë nuk është dënuar?, tha ai.

Nard Ndoka në fund kishte edhe një mesazh për qytetarët.

?Është një moment i rëndësishëm, nuk është vetëm politik, por është përgjegjësi për çdo qytetar që ta ndërshkojnë këtë qeveri dhe kryeministrin Rama në këto tetë vite aventurë. Ai jo vetëm ka humbur besimin e tyre, i ka abandonuar dhe ofenduar sidomos qytetarët e Shkodrës, ka krijuar një klimë ku rinia ka braktisur vendin dhe biznesi ka falimentuar. Politika e qeverisë nuk ka pasur asnjë lloj vëmendje as turizmi as infrastruktura.

Pjesa tjetër është që opozita po shihet si një shpresë dhe motivim dhe jo vetëm një votë ndërshkuese. Opozita i ka bërë të qarta qëllimet e saj, do integrojë vendin në BE do investojë në arsim, shëndetësi, infrastrukturë. Kemi alternativa të prekshme, të dukshme dhe të arritshme?, tha Nard Ndoka për CNA.al.