E fundit!

16:22 Aktualitet

Vrasja e policit në Maliq/ Hita: Nëse DVP Korçë do kishte kërkuar ndihmë do ishin marrë masa më të forta

Kreu i Policisë së Shtetit Skënder Hita ka zbarkuar në Kor...

Plasin sherret dhe dhuna fizike në PD/ Bashës i del situata jashtë kontrollit

16 Prill 2021, 07:45, Politikë CNA

Plasaritja e Partisë Demokratike, nën udhëheqjen e brishtë dhe klanore të Lulzim Bashës, nuk ka të ndalur.

Në prag të zgjedhjeve parlamentare të 25 Prillit 2021, kjo plasaritje është shndërruar në dhunë dhe në përplasja fizike, në shumë qarqe.

Në Tiranë, në Durrës, në Vlorë që nisi që në fillim të muajit Mars, me hartimin e listave dhe së fundmi në Korçë e në Shkodër, ka patur sherre brenda struktrave të partisë.

Listat që nuk kishin ndonjë dallim të madh me ato të 2017-ës, përveçse me ndonjë arnim tek-tuk, po vijojnë të jenë burim konflitesh dhe sherri.

Jnë pikërisht pazaret që Basha ka bërë me këto lista, që kanë futur në sherr dhe konflikt strukturat si dhe kandidatë të caktuar për deputetë në qarqe të ndryshme.

Kujtojmë, se Basha mashtroi dhe gënjeu se kandidatët do të përzgjidheshin nga anëtarësia, pra me anë të një gare, por në fakt, Luli përfundoi tek lista e vitit 2017, duke injoruar anëtarësinë. (Lexo këtu)

Dhe sot, situata i ka dalë jashtë kontrollit në shumë qarqe, pavarësisht se dërgon urdhëra dhe direktiva nga Tirana me persona të caktuar.

Tre ditë më parë në Korçë, konfliktet në strukturat e PD,janë përshkallëzuar deri në përplasje fizike.

Konfliktet janë zhvilluar mes kandidatit Ervin Salianji kundër Andrea Manos dhe Edmond Spahos.

Salianji, i cili ndryshe njihet edhe si babalja po tenton të djegë Edmond Spahon, duke rrëmbyer zonat ku PD ka më shumë mbështetje.

CNA.al ka mësuar se pa degjenerimit të situatës atje, kreu i PD -së Lulzim Basha ka nisur urgjentisht drejt Korçës, sekretarin organizativ Sahit Dollapin.(Lexo këtu)

Ky i fundit, mësohet se u ka tërhequr vëmendjen që të ndalin premtimet për emërime drejtorash dhe shefash dhe të mbajnë vendin e tyre.

Kujtojmë këtu që pak kohë më parë, CNA.al raportoi se strukturat e bazës në grupseksionin e PD në Pojan të Korçës kanë kërkuar përjashtimin e Salianjit, me argumentin se ai nuk i përfaqëson ata.(Lexo këtu).

Po, tre ditë më parë, një situatë e tillë në struktrat e PD-së, ka ndodhur edhe në Shkodër.

Numri një i listës së PD në Shkodër, Helidon Bushati dhe ish-deputeti

Bardh Spahia janë përfshirë në një konflikt me disa drejtuesve të tjerë lokalë.

CNA.al ka mësuar se konfliktet kanë nisur pasi Spahia e ndjen veten të rrezikuar në vendin e 7 të listës.(Lexo këtu)

Pyetja e thjeshtë që bën çdo demokrat pas kësaj situate që ka përfshirë pothuajse të gjitha qarqet është se çfarë do të bëjë vallë Basha pas humbjes së zgjedhjeve me 25 Prill?

A do të vijojë me akuzat të cilat po u paraprin që tani, sikur po bëhen pazare zgjedhore apo do të largohet nga drejtimi i PD, pas dështimit dhe humbjeve disa herë radhazi./CNA.al